Mein Nay Aankh Jhuki Dekhai Hai Aaj Kisi Harjai Ki

Tumhari Yaad Ki Soghaat Kafi Hai

tujhay sochna mera mashghala

Kabi Khood bhi Mere paas aa,
Meri Baat sun Mera Saath dey
Jo Khalish hai
Dil se Nikaal ker,
Mujhey Uljhanon sey Nijaat dey
Tujhey Sochna Mera Mashghala,
Tujhey Dekhna Meri Aarzoo
Mujhey Din dey apney Khayal kay,
Mujhey qurb ki ek Raat dey
Meri Zindagi Merey saath chal,
Merey Haath mai apna Haath dey
Mujhey Gham bhi Khushi sey Qabool hai,
Jo Tu agar Mera Saath dey...

tujhey bhool k daikhain gay kisii din

Khud apney liye baith k sochain gay kisii din
yoon hai keh tujhey bhool k daikhain gay kisii din

bhatkay huvay phirtey hain ka_ii lafz jo dil men
duniyaa ney diyaa vaqt to likkhain gay kisii din

hil jaayain gay ik baar to arshon k dar-o-baam
yeh Khaak_nasheen log jo bolain gay kisii din

aapas kii kisii baat kaa miltaa hii nahin vaqt
har baar yeh kehtey hain keh baithain gay kisii din

ay jaan terii yaad k be-naam parindey
shaa_khon pay merey dard kii utarain gay kisii din

jaatii hai kisii jheel kii gehraa_ii kahaan tak
aankhon maen terii Duub k daikhain gay kisii din

Khushbuu sey bharii shaam men jugnuu k qalam sey
ik nazm terey vaastey likhain gay kisii din 

soyain gay terii aankh kii khil_vat men kisii raat 
saaye men terii zulf k jaagain gay kisii din

Khushbuu kii tarah ,asl-e-sabaa Khaak numaa sey
galiyon sey terey shehar kii guzrain gay kisii din

'Amjad' hai yahii ab keh kafan baandh k sar par
us shehar-e-sitam_gaar men bhi jayain gay kisii din...!!!

Bheegi Hui Aankhon Ka Yeh Manzar Na Milley Ga

Bheegi Hui Aankhon Ka Yeh Manzar Na Milley Ga 
Ghar Chhorr K Mat Jaao Kaheen Ghar Na Milley Ga 

Phir Yaad Bohot Aaye Gi Zulfon Ki Ghani Sham 
Jab Dhoop Men Saaya Koi Sar Per Na Milley Ga 

Aansoo Ko Kabhi Aus Ka Qatra Na Samajhna 
Aisa Tumhein Chahat Ka Samandar Na Milley Ga 

Is Khawaab K Maahol Men Be-Khawaab Hain Aankhein 
Jab Neend Bohot Aaye Gi To Bistar Na Milley Ga 

Yeh Soch Lo Ab Aakhri Saaya Hai Mohabbat 
Is Dar Sey Utho Gi To Koi Dar Na Milley Ga

aik hi shehr men rehna hey magar milna nahin

baaton baaton men bicharrnay ka ishaara ker k
khud bhi wo roya bohat hum sey kinaara ker k

sochta rehta hoon tanhaai men anjaam-e-khaloos
phir usi jurm-e-muhabbat ko dobara ker k

jagmaga di hen teray shehar ki galiyaan men ney
apnay her ashk ko paloon pey sitaara ker k

daikh laitay hen chalo hosla apnay dil ka
aur kuch roz teray saath guzaara ker k

aik hi shehr men rehna hey magar milna nahin
daikhtay hen yhe azeeyat bhi gawaara ker k

Gham Hai Ya Khushi Hai Tu

I Will Miss You