Kis qadar zulm dhaya kertey ho
Yeh jo tum bhool jaya kertey ho
Kis ka ab haath rakh k seeney per
Dil ki dharkan sunaya kertey ho
Hum jahan chaaye peeney jaatey thay
Kaya wahan ab bhi aaya kertey ho
Kon hai ab keh jis k chehrey per
Apni palkon ka saaya kertey ho
Kyun merey dil mai rakh nahee detey
Kis liye gham uthaya kertey ho
Phone per geet jo sunaatey thay
Ab wo kis ko sunaya kertey ho
Akhiri khat mai usney likha tha
Tum mujhey yaad aaya kertey ho
No comments:
Post a Comment