Naseeb Aazmaaney K Din Aa Rahey Hain

Naseeb Aazmaaney K Din Aa Rahey Hain

Qareeb Un K Aaney K Din Aa Rahey Hain

Jo Dil Sey Kaha Hai Jo Dil Sey Suna Hai

Sab Un Ko Suna'ney K Din Aa Rahey Hain

Abhi Sey Dil-O-Jaan Sar-E-Raah Rakh Do

Keh Lutney Lutaaney K Din Aa Rahey Hain

Tapakney Lagi Un Nigaahon Sey Masti

Nigahain Churaaney K Din Aa Rahey Hain

Saba Phir Hamain Puuchti Phir Rahi Hai

Chaman Ko Sajaaney K Din Aa Rahey Hain

Chalo “Faiz” Phir Sey Kahin Dil Lagaayen

Suna Hai Thikaaney K Din Aa Rahey Hain

نصیب آزمانے کے دن آ رہے ہیں
قریب ان کے آنے کے دن آ رہے ہیں

جو دل سے کہا ہے، جو دل سے سنا ہے
سب اُن کو سنانے کے دن آ رہے ہیں

ابھی سے دل و جاں سرِ راہ رکھ دو
کہ لٹنے لٹانے کے دن آ رہے ہیں

ٹپکنے لگی اُن نگاہوں سے مستی
نگاہیں چرانے کے دن آ رہے ہیں

صبا پھر ہمیں پوچھتی پھر رہی ہے
چمن کو سجانے کے دن آ رہے ہیں

چلو فیض پھر سے کہیں دل لگائیں
سنا ہے ٹھکانے کے دن آ رہے ہیں