نہ کر توہینِ محبت ، یوں وفا کی گواہی مانگ کر

اسیری  میں  مر  جانے  دے ، قید  سے  اب  آزاد  نہ  کر

تجھے   واسطہ  میری تباہی کا یہ ظلم میرے صیاد نہ کر


نہ   کر   توہینِ   محبت ، یوں  وفا  کی  گواہی  مانگ  کر

مجھے بھول چکی  ہے دنیا ، اب تو بھی مجھے یاد نہ کر


بات  تیری  انا   کی  تھی  ،  میں  تو  یوں  بھی  چپ  تھا

ہونا  تھا  جو ،  ہو بھی  چکا ، رو رو کہ اب فریاد نہ کر


کھیل  نصیبوں  کا  دیکھ  لیا ، میں نے تنہا رہنا سیکھ لیا

فقط  اپنی  محبت  کی  خاطر ، میری جستجو برباد نہ کر


تجھے چھوڑ جانے کی عادت ، مجھے تنہائیوں کا خوف

اس خالی کمرے کو اے دوست میرے پھر سے آباد نہ کر

نظروں سے جو پلا دی تو پیمانہ کدھر جائیگا

ہم    نے   مانا  وہ   حُسن  و  غنا   کا   پیکر   لیکن

ہم رونق افروز نہ ہوں ، پہلوئے جانانہ کدھر جائیگا


یہ محفل نہ رہی، کہیں اور سہی، محفل تو جمے گی

بادہ کش ہی جو نہ ہونگے تو مے خانہ کدھر جائیگا


ابھی رات جواں ہے، ابھی سے نہ بجھاوَ شمعوں کو

شمع   جو   بجھا   دی   تو    پروانہ   کدھر  جائیگا


بس   یہی  کام   ہے  زمانے  کو  زمانے  بھر  میں

ہماری  باتیں  گر  نہ ہونگیں  تو زمانہ کدھر جائیگا


مجھ   کو   یہی    لگتا   ہے   بے   رُخی   کا  سبب

نظروں   سے   جو   پلا دی  تو پیمانہ کدھر جائیگا


خدا    رکھے   سلامت ،  نا   خدا   کا   شوقِ   سفر

یہ   مشغلہ   بھی   نہ  رہا  تو  دیوانہ  کدھر جائیگا


چل   رہا   ہونہی  چلنے   دو   کاروبارِ  ہستی  کو

بات  نکلی   تو  شیخ  جی  کا  آستانہ  کدھر جائیگا

خواہش ہے کہ عُمر تیرے ساتھ کرکے بسر دیکھوں

 کبھی  ، اے    کاش ،  میں  یہ  معجزہ ِ  ہُنر  دیکھوں

تیرے   مزاج   پہ    اپنے    لہجے  کا  اثر   دیکھوں   

 ترک ِ خواہش  ہی  ہوئی  تکمیل ِ حسرت نہیں دیکھی

خواہش  ہے کہ عُمر تیرے ساتھ کرکے بسر دیکھوں

تلخ  یادیں  ہیں ، تشنہ  کامی  ہے ، حسرتیں ہیں مگر

جنوں  کہتا  ہے  کہ  عمرِ رفتہ  کو  بارِ  دگر دیکھوں

تجھ  کو  زمانے  کی  فکر  بھی ،  انجام کا خوف بھی

میں  یہ  کہتا   ہوں ، جو  کرنا  ہے  بس  کر  دیکھوں

تنہا  ہوں ،  تو  گھر  میں   بھی   صحرا  سی  وحشت

تُو   ہم  سفر جو  ہو ،  تو صحرا کو بھی گھر دیکھوں

محبت مرحلہ نہیں سفر ہے اک عمر بھر کا

پھر تیری یاد آئی پھر درد پُرانے جاگے

خانہء دل  میں  یاد ِ ماضی  کے خزانے جاگے

پھر  تیری   یاد   آئی   پھر  درد  پُرانے  جاگے


خوابیدہ تھے  کب   سے گلستاں ہاےَ  خیال میں

اک  تیرے غم سے کتنے غم کے بہانے جاگے


جواں      پھر       ہوئی      رُت     بہار    کی

دل   میں   پھر   گزرے  ہوےَ   زمانے  جاگے


مچلنے لگی  وہی پہلی  سی  قربتوں کی خواہش

پہلو   میں  پھر  بچھڑے  ہوےَ  یارانے  جاگے


راز کی طرح جو سینہ ہاےَ جہاں میں دفن تھے

آج  پھر سے تیرے  میرے  وہ  فسانے  جاگے

دُور ہو کہ دل میں بسنے والے ، غم کا سبب بننے والے

چارہ  گرو  میری  زندگی  کِس  رنگ  میں  ڈھلتی جا رہی ہے

میرا  غم   غلط   ہو رہا   ہے  کہ   اُداسی  سُلگتی  جا رہی  ہے


دل     کی    ویرانیوں    سے     کہو    خاطر    جمع    رکھیں

یونہی   خامشی  میرے  بام  و  در  پہ  بھی  اُترتی جا رہی ہے


اے   مُحبت ِ   ناکام  ،  میرے   ہاتھ   کی   ریکھاوَں  میں  اک 

ریکھا  ،  کُچھ    زندگی   سے  آگے  تلک  چلتی  جا رہی  ہے


دُور  ہو  کہ  دل  میں بسنے والے ، غم  کا  سبب  بننے  والے

تیری یاد کا غم، تُجھے بُھول جا نےکی خوشی بنتی جارہی ہے


میں  اک   چراغ ِ  الم   ہوں  اور   قربت ِ  ہوا   کا   شوق   ہے

وائے حسرت، یونہی شوق میں زندگی، جلتی بُجھتی جارہی ہے


تیری یادوں سے گریزاں تیرے خیالوں میں لرزاں جانِ قریشی

کٹ رہی ہے زندگی یوں کہ جیسے قید کوئی گھٹتی جارہی ہے

                       

عام سے لمحے کی بہت خاص گھڑی تھی کہ محبت ہوئی

پُرانے   تعلق   کو    نئے   رابطوں   کی   حاجت   ہوئی

دل   کو    پھر   تیری   دھڑکنوں   کی   ضرورت  ہوئی

میرے  دن   ہوئے  تیرے چہرے  کی  ضو  سے  روشن

نیند   تو    جیسے    تیرے   خوابوں   کی   امانت   ہوئی

وہ   پت  جھڑ  تھا  ،  نہ   ہی   پھول   کھلنے   کا   موسم

عام سے لمحے کی بہت خاص گھڑی تھی کہ محبت ہوئی

کبھی  تو  ہوا  وصال  لمحوں  میں  بھی   فرُقتوں کا خیال

کبھی   فاصلوں   میں   بھی   وصل    سی   راحت  ہوئی 

                                                                           

                                                                                 

                                                           

سمجھ سے با لاتر ہے یہ ماجرا محبت کا

خُم  و ساغر سے نہ بادہ  و پیمانے سے

محفلِ تو سجتی ہے یار کے آ جانے سے

عقیدت ہے یا مجبوری، بات کوئی بھی ہو

تیرا ذکر آ ہی  جاتا ہے کِسی  بہانے سے

سمجھ سے با لاتر ہے یہ ماجرا محبت کا

گرہیں اور بھی لگتی ہیں ، سُلجھانے سے

انہی لوگوں  میں  رہتا  ہے  روز  و  شب

پھر  بھی  کتنا  جدا  لگتا ہے  زمانے سے

کتنی   ہی  اُونچی  کیوں  نہ   کر لے  اُڑان

پنچھی  کبھی غافل  نہیں ہوتا آشیانے  سے

                                        

ہم تو سمجھے تھے اک زخم ہے بھر جائے گا

اپنی یادیں اپنی باتیں لے کر جانا بھول گیا

تم کو اداس آنکھیں بلاتی ہیں

اپنا آپ شاید وہیں پہ بھول آئ ہوں

اجنبی شہر میں

عشق میں بس یہ خرابی ہے

ہم جو ٹوٹے

تیری مسیحائ کو ہمیشہ یاد رکھوں گا

خود کو تیری ذات میں ڈھلتا ہوا دیکھوں

تجھ سے ملنے کی خواہش تو ادھوری رہ جائے گی

اجازت

دوستی کے اس سفر میں

اک دعا گو نے رفاقت کی تسلی دیکر

متاع شام

دوستی

دسمبر لوٹ آیا ہے

نشانی

بھیگی ہوئی ایک شام

مقدر کے ہارے کبھی جیتا نہیں کرتے

موسموں کے کھیل ہیں سب

تمہارے لوٹ آنے کا ابھی امکان باقی ہے

اک بے نام اذیت کے سوا کچھ بھی نہیں

اگر تم ساتھ دیتے

اپنے پیمان یاد رکھنا

اک خسارہ اور ہے

تم ساتھ نبھایا کرنا

میری چاہت۔۔۔تیری چاہت

اسی جگہ پہ کھڑا ہوں جہاں وہ بچھڑا تھا

Barish-e-sang-e-malamat men sharaboor rahey

Barish-e-sang-e-malamat men sharaboor rahey

Harf aaye naa tujh par, tujh say door rahey,

Aatish e qalb bhujaney say kahan bhujtee hay

Dil men khawabeedaa agar yaad kay sharrar rahey,

Natawaan jism o jaan, duniyaa say woh takkar laynaa

Hum aisi baat pay had darjaa maghroor rahey,

Dard barh jaaye to khud aap marham hotaa hay

Suna jo hum nay to phir hum bhee zakhm choor rahey,

Hansatey rehtay hain sar e bazm, hay aadat apnee

Hum to woh hain keh dukh uthaa kay bhee masroor rahey,

Barh gayee had say sharafat to kuchlay jaao gay

Yaad har pal tumhain duniya kaa yeh dastoor rahey,

Ghazal men haal jo hum apna bayaan kar baithey

Es dil kay hathon bohat majboor rahey.

ہمیں تو ایک نظر سے نواز اے ساقی

ہم اپنی شام کو جب نذر_جام کرتے ہیں
ادب سے ہم کو ستارے سلام کرتے ہیں

گلے لگاتے ہیں دشمن کو بھی سرور میں ہم
بہت برے ہیں مگر نیک کام کرتے ہیں

سجائیں کیوں نہ اسے یہ سراۓ ہے دل کی
یہاں حسین مسافر قیام کرتے ہیں

حیات بیچ دیں تھوڑے سے پیار کے بدلے
یہ کاروبار بھی تیرے غلام کرتے ہیں

ہمیں تو ایک نظر سے نواز اے ساقی
ہم اپنے ہوش و خرد تیرے نام کرتے ہیں

"قتیل" کتنے سخن ساز ہیں یہ سناٹے
سکوت شب میں جو ہم سے کلام کرتے ہیں

کچھ ستارے خریدنا ہیں مجھے

مسکراہٹ ادھار دینا ذرا

کچھ ستارے خریدنا ہیں مجھے

ایک آنسو کا مول کیا لو گے؟

آج سارے خریدنا ہیں مجھے

بول تتلی کے دام کتنے ہیں؟

رنگ پیارے خریدنا ہیں مجھے

سرخوشی میں جو بیچ آیا تھا

غم وہ سارےخریدنا ہیں مجھے

زندگی کے جوار بھاٹے سے

کچھ شرارے خریدنا ہیں مجھے

میں سمندر خرید بیٹھا ہوں

اب کنارے خریدنا ہیں مجھے

زندگی کا خراج کتنا ہے

گوشوارے خریدنا ہیں مجھے

معزرت کہ منیم جی اب تو

بس خسارے خریدنا ہیں مجھے

ڈگمگاتی ہے زندگی عاطف

کچھ سہارے خریدنا ہیں مجھے

ہم تری محبت کے جُگنوؤں کی آمد پر

اشک اپنی آنکھوں سے خُود بھی ہم چھُپائیں گے
تیرے چاہنے والے شور کیا مچائیں گے

صُبح کی ہَوا تجھ کو وہ ملے تو کہہ دینا
شام کی منڈیروں پر ہم دیئے جلائیں گے

ہم نے کب ستاروں سے روشنی کی خواہش کی
ہم تمہاری آنکھوں سے شب کو جگمگائیں گے

تُجھ کو کیا خبر جاناں ہم اُداس لوگوں پر
شام کے سبھی منظر اُنگلیاں اٹھائیں گے

ہم تری محبت کے جُگنوؤں کی آمد پر
تِتلیوں کے رنگوں سے راستے سجائیں گے

رات یوں رُخسار پہ تیری یاد کے آنسو مہکے

رات  یوں  رُخسار  پہ  تیری  یاد  کے  آنسو مہکے

اندھیری  رات  میں  جیسے تنہا  کوئی جگنو مہکے

پاکیزہ  چاندنی  سے کیسے مُعطر  ہورہی ہے فضا

تیرے  پہلو کی خوشبو سے جیسے میرا پہلو مہکے

تیز  ہوا   یوں   پتوں  سے  ٹکرا  کے  گزرتی  ہے

اک لمبی خامشی کے بعد جیسے تیری گفتگو مہکے

میں  اور  اک  غزل  لکھ  رہا  ہوں  تیرے  نام سے

تیرے  خیال  سے  میرے  وجدان  کی  آرزو مہکے

اک  بار  یوں  رکھ  دے میرے سینے  پہ  اپنا  ہاتھ

چاک گریباں رہے  نہ رہے تمام عمر یہ رفُو مہکے

مین چلی جاؤں گی یادوں کو مقفل کرکے

اب کے محبتوں میں یہ کیا معجزے ہوئے

اب کے محبتوں میں یہ کیا معجزے ہوئے

ہم خود کو سوچتے ہیں تجھے سوچتے ہوئے 

اک بار تجھ کو سوچا سر شام اور پھر 

اک اور رات بیت گئی جاگتے ہوئے

ہم منزل عدم کے اندھیروں میں کھو گئے 

جب سے الگ تمہارے مرے راستے ہوئے 

جب آگہی کی نبض تھمی تو پتہ چلا 

کتنے برس گزر گئے تجھ سے ملے ہوئے

میں نے کہا کہ دنیا میں کوئی نہیں مرا 

اس نے کہا کہ آج سے ہم آپ کے ہوئے

میری محبت

میری محبت کوئلوں جیسی ہے

کہ جلتی بجھتی رہتی ہے

کبھی یہ گماں بھی ہوتا ہے

کہ کوئلہ بجھ چکا ہوگا

مگر پھر اچانک سے

ذرا سے ہوا کے جھونکے سے

سرخی دمکنے لگتی ہے

آگ بھڑکنے لگتی

پھر وہی حرارت ہوگی

ہھر وہی شرارت ہوگی

میری محبت اس ننھے بلب جیسی ہے

جو گھر کے باہر لان میں

مدتوں جلتا رہتا ہے

دن کو سورج کی روشنی میں

اوروں کی موجودگی میں

اسکی ہستی گم گم رہتی ہے

مگر جیسے ہی شام ڈھلتی ہے

آنگن میں اندھیرا ہوتا ہے

وہی ننھا منا بلب ہماری

راتیں روشن کرتا ہے۔۔۔

ترکِ مراسم

صبحیں بھی وہی، ہے شام بھی وہی

کاروبارِ ہستی بھی، زیست کا ہنگام بھی وہی

غمِ ہستی بھی وہی، دردِ انجام بھی وہی

ہم بھی وہی، تلخیء ایام بھی وہی

ہاں مگر تم سے بچھڑ کر اب ہر پل

دل بوجھل بوجھل رہتا ہے

اور سچ بھی ہے کہ جیتے جیتے

مرنا کس کو اچھا لگتا ہے

پر سچ سنتی ہو تو دیکھو

مجھ سے بچھڑ کر تم خوش ہو

اور دل کی کہوں تو جاناں

اپنی خواہش سے بھی زیادہ

ہنستا کھلتا چہرہ تمھارا

مجھ کو اچھا لگتا ہے

فرض کرو ہم کبھی نہ ملے ہوتے

فرض کرو ہم کبھی نہ ملے ہوتے

دریدہ دل کے دامن میں اب جو ہیں

کبھی وہ پھول نہ کھلے ہوتے

کار ہائے دنیا سے جو ملے ہم کو

وہ چاک تمھاری رفاقتوں سے نہ سلے ہوتے

!فرض کرو ہم کبھی نہ ملے ہوتے

تو آج اس حسیں موڑ پر اجنبی جیسے

مل بیٹھتے اور اک نیا آغاز کرتے

تم اپنی مسکراہٹ سے چھیڑتی راگنی

ہم دل کو مدعا، دھڑکنوں کو آواز کرتے

فرض کرو ہم کبھی نہ ملے ہوتے

تم اپنی دنیا میں گم سم 

الگ سے خواب بنا کرتی

ہم اپنے خیالوں میں گنگناتے

کوئی دور ہمیں سنا کرتی

!فرض کرو ہم کبھی نہ ملے ہوتے

دریدہ دل کے دامن میں اب جو ہیں

کبھی وہ پھول نہ کھلے ہوتے

تو اب جو ملال گزرے دنوں کا ہے

وہ کسی اور شخص سے منسوب ہوتا

ہم تم اجنبی ہی رہتے جو عمر بھر

تو سوچو کتنا خوب ہوتا

نہ چاہتیں ہوتیں، نہ رنجشیں بنتیں

آرذویں جو دل میں دبی رہتیں

ایسے نہ آنکھوں کی بارشیں بنتیں

نہ تمھیں کچھ ہماری خبرہوتی

نہ ہمیں کوئی تمھاری فکر ہوتی

نہ جھگڑے وفا جفا کے ہوتے

نہ ہی کوئی ہجر و وصال کے سلسلے ہوتے

!فرض کرو ہم کبھی نہ ملے ہوتے

وہ جل تھل ہوا کہ الاماں

سردیوں کی طویل راتوں میں

بے ربط گفتگو تا وقتِ سحر

خامشی کے سلسلوں میں کہیں

تمھاری سرگوشیوں کی لہر

بے نام آنسوؤں کے سیلِ رواں میں

سسکیوں کا موہوم سا وقفہ

مجھے اب تلک یاد ہے وہ،

 آغازِ محبت کا پہلا مرحلہ

نہ جھگڑا خرد و جنوں کا

وفا جفا کے وعدے نہ قسمیں کوئی

سیدھی سی تھی سانسوں کی ڈور

اک دوسرے سے لپٹی ہوئی

لمحوں کی جو بات تھی وہ

سالوں میں ڈھلتی رہی بڑھتی رہی

باتوں سے جو بات نکلی تھی وہ

 سانسوں کی صورت چلتی رہی

نجانے کہاں سے آیا اچانک

پھر موسم تغافل کا، رنجشوں کا

کوئی اجنبی سا بادل جو لے کر آیا

نہ ٹوٹا پھر زور بارشوں کا

وہ جل تھل ہوا کہ الاماں

سالوں کی محنت سے جو تھا بنا

اک آن میں اجڑا

اپنے خوابوں کا آشیاں

اب، تنہائی کی طویل راتوں میں

رت جگے ہیں الجھنیں ہیں تا وقتِ سحر

خامشی کے سلسلوں میں گونجتی ہے

تمھاری سرگوشیوں کی موہوم لہر