Itni Dair Say Kyun Aatay Hain Aakhir Yeh Shehzaday Log ?

Reza Reza Sapnon Walay
Tootay Chehray Aadhay Log,
Janay Walay Kab Aatay Hain
Kyun Kartay Hain Waaday Log.
Aas Main Bethi Shehzadi Ki
Maang Main Chandi Jhaank Chuki,
Itni Dair Say Kyun Aatay Hain Aakhir Yeh Shehzaday Log ?
Pyar Ki Raah Pay Ungli Thaame,
Andha Dhund Chal Partay Hain,
Na Samjhi Mein Marr Jaatay Hain
Hum Say Seedhay Saadhay Log.
Ham dono men Kon hay Mujrim, yeh TaY Hona baqi tha
Aadha Shehr tha HAAMI Uska, Sath thAy meray Aaadhy Log