IS TAFFAKAR MEI SAR E BAZAM SEHAR HOTI HAI

IS TAFFAKAR MEI SAR E BAZAM SEHAR HOTI HAI,


KIS KO WO DEKHTAY HAIN KIS PAY NAZAR HOTI HAI,


MUSKARA KAR MUJHAY YUN DEKH K DHOKA TO NA DO,


JANTA HOON JO MUHABBAT KI NAZAR HOTI HAI,


TUM TO KAYA CHEEZ HO KONAIN SIMAT AATAY HAIN,


AIK WO BHI KASHISH E ZOQ E NAZAR HOTI HAI,


ISHQ MEI WAJAH TABAHI NHI HOTA KOI,


APNA DIL HOTA HAI YA APNI NAZAR HOTI HAI,


NAZAA MEI SAMNAY BEEMAAR K TUM BHI AAO,


YEH WO AALAM HAI KEH IK IK PAY NAZAR HOTI HAI,


DIL TARRAPTA HAI TO PHIR JATI HAI MAUT AANKHON MEI,


KIS GHAZAB KI KHALISH E TEER E NAZAR HOTI HAI,


JAAN DAY DAIN GAY KISI DAAMAN E SEHRA MEI QAMAR,


MAR GAYA KON KAHAN KIS KO KHABAR HOTI HAI.......