Dil se wisaal e yaar ka armaan bhi gya

Dil se wisaal e yaar ka armaan bhi gya
Dekha jo ghr udhas to mehmaan bhi gya


Ker li hai usny phir gham e jana se dosti
Lo apny hath se dil e nadaan bhi gya


Mushkil tha apni raah pe lana usy magr
Tha baat mai khuloos to wo maan bhi gya


Dikhlaye kya bahaar ney josh e junoon k rang
Daaman bacha rahy thy Girebaan bhi gya


Uski wafa Mohsin na haasil hui mujhy
Mai us k dar pe le k dil o jaan bhi gya....!