Adhooray Khwab Ki Aadhi Saza Mein Jeetay Hain

Khumar e Gham Hai Mehkati Fiza Mein Jeetay Hain
Teray Khayal Ki Aab o Hawa Mein Jeetay Hain....


Baray Tapaak Say Milty Hain Milny Walay Mujhy
Woo Mery Dost Hain Teri Wafa Mein Jaetay Hain


Firaaq-e-Yaar Mein Sanson Ko Rokay Rakhty Hain
Har Ek Lamha Guzarti Qazaa Mein Jeetay Hain


Naa Baat Poori Hui Thi Keh Raat Toot Gayee
Adhooray Khwab Ki Aadhi Saza Mein Jeetay Hain


Tumhari Baaton Mein Koi Maseeha Basta Hai
Haseen Labon Say Barasti Shafaa Mein Jeetay Hain