FAASLAY AISAY BHI HON GAY YEH KABHI SOCHA NA THA

FAASLAY AISAY BHI HON GAY YEH KABHI SOCHA NA THA,


SAAMNAY BETHA THA MERAY AUR WO MERA NA THA,


WO KEH KHUSHBU KI TARAH PHELA THA MERAY CHAAR SU,


MEIN USAY MEHSOOS KAR SAKTA THA CHHOO SAKTA NA THA,


RAAT BHAR PICHHLI HE AAHAT KAAN MEI AATI RAHI,


JHAANK KAR DEKHA GALI MEI KOI BHI AAYA NA THA,


YUN TO CHEHRAY THAY HAZARON ANJMUN MEI ZOOFSHAAN,


AANKH JIS KO DHOONDTI THEE AIK WO CHEHRA NA THA,


YEH SABHI VEERANIYAN US K CHALY JANAY SAY THEEN,


AANKH DHUNDLAI HUI THEE SHEHAR DHUNDLAYA NA THA......