Neend kee jheel pay ik khawab purana utra

Paanio’N paanio’N jab chaand ka haala utraa 
Neend kee jheel pay, ik khawab purana utraa

Aazmaish mein kaha’N, ishq bhi poora utraa 
Husn kay aagy to, taqdeer ka likha utraa

Dhoop dhalne lagi, deewar say saya utraa 
Sataah hamvaar huee, payar ka darya utraa

Yaad say naam mitta, zehan se chehra utraa 
Chund lamho’N mein nazar say teri, kya kya utraa

Aaj kee shab mein paresha’N hoon to yun lagta hy 
Aaj mahtaab ka chehra bhi hay, utraa utraa

Meri vehshat, ram-e-aahoo se kahi’N barh kar thi 
Jab meri zaat mein tanhai ka sehraa utraa

Ik shab-e-gham ke andhery pay nahe hay mokoof 
Tu ne jo zakhm lagaya hay, wo gehra utraa