Sulag rahi hain na janay, kis aanch say aankhein

Na intazaar ki lazzat, na aarzu ki thakan
Bujhi hain dard ki shamein, keh so gya hay badan

Sulag rahi hain na janay, kis aanch say aankhein
Na aansooan ki talab hay, na rat jago’N ki thakan

Dil-e-freb zada, dawat-e-nazar pay na ja
Yeh aj kay qad-o-gaisoo hain, kal kay daar-o-rasan

Bahar-e-qurb say pehly, ujaarh deti hain
Judaiyon kee hawain, mahabbato’N kay chaman

Phir aaj shab teray qadmo’N kee chaap kay humraah
Sunai dee hay dil-e-na muraad kee dharkan

Yeh zulm dekh keh tu jaan-e-shairi hay magar
Meri ghazal mein tera naam bhi hay jurm-e-sukhan

Ameer-e-shehar, ghareebo’N ko loot leta hay
Kabhi ba heela-e-mazhab, kabhi ba naam-e-watan

Hawa-e-dehar se dil ka chiragh kya bujhta
Magar FARAZ salamat hy, yaar ka daaman