Tujh ko kiss phool ka kafan ham dain
tu juda aisay mosamon main huwa
jab drakhton kay haath khali hain
aainay jis ko dhoondtay thay khud
aisa baymisl aks gar tha woh
saray kaantay samait laita tha
aisa anmol ham safar tha woh
apnay dil main sambhaal kar us ko
aaj haathon say kho rahay hain usay
hichkiyan bandh gai hain lafzon ki
aaina khanay ro rahay hain usay
us ko kis roshni main dafnayen
us ko kis khawab ka badan ham dain
woh jo khushboo main dhal gaya yaaro
us ko kis phool ka kafan ham dain
Pakistan Rupee Exchange Rate
No comments:
Post a Comment