Tum ko iss karb ka ehsas bhala kesey ho

Tum ko iss karb ka ehsas bhala kesey ho 
Jo merey dil main hai lafzon main ada kesey ho

Jo kabhi pass na tha iss sey judai kesi
jo kabhi mil na saka uss sey gila kesey ho

waqt ki muaj ney ik pal bhi theherney na diya
tum sey itna bhi na main pooch saka kesey ho

husn khushbu hai bhala haath kahan aata hai
dil to pagal hai bhala dil ka kaha kesey ho

kis tarah koi yahan rooh ki awaz suney
yeh kiran seena e zulmat sey reha kesey ho

kesey jeeta hun main iss daur main tu janta hai
aey Khuda mujh se tera shukr ada kesey ho