گر مجھے اس کا یقین ھو مرے ھمدم ، مرے دوست

گر مجھے اس کا یقین ھو کہ ِترے دل کی تھکن
تیری آنکھوں کی اداسی ، ترے سینے کی جلن
میری دل جوئی ، مرے پیار سے مٹ جائے گی
گر مرا حرفِ تسلّی وہ دوا ھو جس سے
جی اٹھے پھر ترا اجڑا ھوا بے نور دماغ
تیری پیشانی سے دھل جائیں یہ تذلیل کے داغ
تیری بیمار جوانی کو شفا ھو جائے
گر مجھے اس کا یقین ھو مرے ھمدم ، مرے دوست
روز و شب ، شام و سحر میں تجھے بہلاتا رھوں
میں تجھے گیت سناتا رھوں ھلکے ، شیریں
آبشاروں کے بہاروں کے ، چمن زاروں کے گیت
آمدِ صبح کے ، مہتاب کے ، سیّاروں کے گیت
تجھ سے میں حسن و محبت کی حکایات کہوں
کیسے مغرور حسیناؤں کے برفاب سے جسم
گرم ھاتھوں کی حرارت میں پگھل جاتے ھیں
کیسے اک چہرے کے ٹھہرے ھوئے مانوس نقوش
دیکھتے دیکھتے یک لخت بدل جاتے ھیں
کس طرح عارضِ محبوب کا شفّاف بلور
یک بیک بادہِ احمر سے دہک جاتا ھے
کیسے گلچیں کے لئے جھکتی ھے خود شاخِ گلاب
کس طرح رات کا ایوان مہک جاتا ھے
یونہی گاتا رھوں ، گاتا رھوں تیری خاطر
گیت ُبنتا رھوں، بیٹھا رھوں تیری خاطر
پر مرے گیت ترے دکھ کا ُمداوا ھی نہیں
نغمہ جرّاح نہیں، مونس و غم خوار سہی
گیت نشتر تو نہیں ، مرھم ِ آزار سہی
تیرے آزار کا چارہ نہیں، نشتر کے سوا
اور یہ سفّاک مسیحا مرے قبضےمیں نہیں
اس جہاں کے کسی ذی روح کے قبضے میں نہیں
ھاں مگر تیرے سوا ، تیرے سوا ، تیرے سوا

فیض احمد فیض



Gar mujhey iska yaqeeN ho 
merey humdum, merey dost
gar mujhey iska yaqeeN ho
keh terey dil ki thakan
teri aankhoN ki udasi, terey seeney ki jalan
meri dil_joii, merey pyar sey mit jaey gi
gar mera harf-e-tasalli 
voh dava ho, jis sey
ji uThey phir sey tera ujr.ra hua be_noor diyar
teri paishanee sey dhuul jayeN yeh tazleel k daagh
teri beemar javani ko shifa ho jaaey
gar mujhey iska yaqeeN ho
merey humdum merey dost

roz-o-shab, shaam-o-sehar
maiN tujhey bhelata rahoon
maiN tujhey geet sunata rahoon
halkey sheereen
aabsharoon k, bahaaron k, chaman_zaaroN k geet
aamad-e-subh k, mehtaab k, sayyarooN k geet
tujh sey maiN husn-o-mohabbat ki hikayaat kahooN

jaisey maghroor haseenaooN k barfaab sey jism
garm haathon ki haraarat sey pighal jatey haiN
jaisey ik chehrey k Thehrey huey maanoos naqoosh
dekhtey dekhtey he badal jatey haiN
kis tarah aariz-e-mehboob ka shafaaf balor
yak ba yak baada-e-ahmer se dekhak jata hai
kaisey gulcheen k liye jhuktee hai Khud shaaKh-e-gulaab
jis tarah raat ka aiwaan mehak jata hai

yoon hee gata rahoon, gata rahooN, teri Khatir
geet bunta rahooN, baiTha rahoon, teri Khatir
par merey geet terey dukh ka madava he nahi
naghma jarrah nahi, moonis-o-gum_Khuwar sahi
geet nashtar to nahi, marham-e-azaar sahi
terey azyar ka chaaraa nahi
nashtar k siva aur yeh safaak maseeha 
merey qabzey men he nahi
is jahaN k kisi zee_rooh ke qabzey meN nahi
haaN magar terey siva, terey siva, terey siva