mUjhey ..... Rehney dO

kOn Is Raaz Kii SadiyOn Puranii Kaifiyet Sey AaShna hAi
Yeh Meray ChaarOn Taraf kyun Eik SakOot e Be-Sada hAi
Main Kisey KahoOn?
Meri Ujrii huii AankhOn Key Khaalii Roznon Key Us Paar Kaya hAi
Khal'a hAi Yeh Sitarey Phainktii Andhi Hawa hAi
Kis Pey KhUl Saka hAi
Keh Jism Key Khaali KhandrOn Men Kon Ab Tak Bas Raha hAi
tUm mUjhey Dekho
Main KhUd Sey Darta hoOn Shab Ko
Jab Andhaira bOlta hAi
Dil Ka Sanata Puraanii DaaStaanOn Sey Attey BhaidOn Kii Girhien KhOlta hAi
LahOo Kii Aag Sey Lat-Pat KawaarOn Sey Ulajhtii hAin Meri Cheekhien
kOii Sunta Nahii hAi mUjh Ko
Bikhartey tOot-tey KhwaabOn Men jAb TaQseem hOta hOon
kOii Chunta Nahi hAi mUjh Ko
tO Aisa hAi
tUm Apni Mehaktii Neend Sey Khailo
Na Dukh Jhailo
Merii tAnhAii Key Israar Mat POocho
Kahin Aisa Na Ho Keh
tUm Bhi Apney Ko Ganwa Baitho
mUjhey SadiyOun Puraanii Andhii Hawa Key Saath Pur-Israar Rehney dO
mUjhey ..... Rehney dO