Chhupaaye dil men ghamon kaa jahaan baithey hain
tumhaarii bazm men ham be'zubaan baithey hain
yeh aur baat keh manzil pey ham pohanch na sakey
magar yeh kam hai keh raahon ko chhaan baithey hain
fughaan hai dard hai soz-o-firaaq-o-daagh-e-alam
abhii to ghar men bohat meharabaan baithey hain
ab aur gardish-e-taqadiir kyaa sataaye gii
lutaa k ishq men naam-o-nishaan baithey hain
vo ek lafz-e-mohabbat hii dil kaa dushman hai
jisey shariat-e-ehasaas maan baithey hain
hai maikadon kii bahaaron sey dostii 'Saghar'
baraaye had-e-yaqiin-o-gumaan baihey hain.
Pakistan Rupee Exchange Rate
No comments:
Post a Comment