IK SHAKHS TERAY HIJR MEI JAAGA BHI BOHAT HAI

JO DARD K SEHRAA MEI AKELA BHI BOHAT HAI,


US K LIAY DEEWAAR KA SAYA BHI BOHAT HAI,


DEKHA NHI TANHAI MEI TUM NAY KABHI US KO,


BICHHARAY HUAY LOGON KO WO ROYA BHI BOHAT HAI,


KUCH TUJH KO MUHABBAT PAY YAQEEN THA NA WAFA PAR,


KUCH DUKH MERI TAQDEER MEI LIKHA BHI BOHAT HAI,


BEENAAI ANDHERON SAY BHALA KESAY BACHAATA,


IK SHAKHS TERAY HIJR MEI JAAGA BHI BOHAT HAI,


WO AUR HAIN JO CHHU K TUJHAY DEKHNA CHAAHEN,


MUJH KO TO MERAY KHAAB KI DUNIYA BHI BOHAT HAI,


KIRDAAR SAY MEHROOM THA YEH SHEHAR SO IS NAY,


HUM KO DAR O DEWAAR PAY LIKHA BHI BOHAT HAI........(NOSHI GILANI)