wusat-e-chashm-e-tar bhi daikhain gay
hum tujhay bhool kar bhi daikhain gay
zakhm per sabt kar na lab apnay
zakhm ko chaara gar bhi daikhain gay
hijr ki shab say haoslay apnay
bach gaey to sehar bhi daikhain gay
raat honay do,log sonay do
chand ko dar-ba-dar bhi daikhain gay
ik dua dil say chhup kay maangi thi
us dua ka assar bhi daikhain gay
ik puraana safar to khatm howa
ik nayi rahguzar bhi daikhain gay
gin to lainay do baykafan laashein
bay sada baam-o-dar bhi daikhain gay
chairr kar dil ki rakh ko mohsin
ab ke raks-e-sharar bhi daikhain gay
Pakistan Rupee Exchange Rate
No comments:
Post a Comment