FIRST APRIL

Aik din achanak hi,
Phone aa gya us ka,
Lehjay ki malamat sey,
Ho raha tha sub zaahir,
Ro rahi thi shiddat sey,
Larkharatay lafzon sey
Kar rahi thi baatain wo,
Tum kahan thay itnay din..?
Roz phone kerti thi,
Baat tum sey kerni hai,
Jo bohat zaroori hai,
Khush nahi hoon main bhi kuch,
Pyar tera thukra ker,
Sara din tarrapti hoon,
Chain hi nahi milta,
Jaagti hoon shub bhar main,
Neend hi nahi aati,
Jo nahi kaha kal tak,
Aaj tum sey kehti hoon,
Pyar tum sey kerti hoon,
Main nay phir kaha us sey,
Main na kehta tha tum sey,
Aik din to aana hai,
Lot ker tumhain wapis,
Kaisay tum bina merey,
Zindagi guzaaro gi,
Zinda to raho gi per,
Zindagi na ho gi wo,
Aik aik lemhay men,
Yaad meri aaye gi,
Doosri taraf sey phir,
Qehqeha sa aaya ik,
Aur wo lagi kehnay..!
Tum Bhi Kitnay PAGAL Ho,
Jantay nahi itna,
Aaj 'FIRST APRIL' hai..!!!