میری محبت تو اک گہر ھے،تیری وفا بے کراں سمندر

میری محبت تو اک گہر ھے،تیری وفا بے

 کراں سمندر

تو پھر بھی مجھ سے عظیم تر ھے کہاں

 گہر ھے کہاں سمندر

یقین ھے دھوکے میں آ کے اترا ھے چاند

 پانی کی سلطنت میں

بلندیوں سے دکھائی دیتا ھے ھو بہو

 آسماں سمندر

ازل سے بے سمت جستجو کا سفر ھے

 درپیش پانیوں کو

کسے خبر ھے کس کو ڈھونڈتا ھے میری

 طرح رائیگاں سمندر

میں تشنہ لب دور سے جو دیکھوں تو ھر

 طرف سیل آب پاؤں

قریب جاؤں تو ریت شعلہ،غبار

 ساحل،دھواں سمندر

ھمارے دل میں چھپے ھوئے درد کی خبر

 چشم تر کو ھو گی

سنا ھے زیر زمیں خزانوں کا ھے فقط

 رازداں سمندر

میں استعاروں کی سرزمیں پر اتر کے

 دیکھوں تو بھید پاؤں

بشر مسافر،حیات صحرا،یقین

 ساحل،گمان سمندر

جہاں جہاں شام غم کی افسردگی کا

 ماتم بپا ھوا ھے

افق سے ھنس کر گلے ملا ھے وہاں وہاں

 مہرباں سمندر

وفا کی بستی میں رھنے والوں سے ھم

 نے"محسن"یہ طور سیکھا

لبوں پہ صحرا کی تشنگی ھو مگر دلوں

 میں نہاں سمندر