Raat k gehray san’natay mein jugnoo dhoondanay nikli thi,
Tanhai say dard k saaray rishtay torrnay nikli thi.
Barish k rastay mein apni aankhein kessay bhool gai,
Wo khushboo to saath hawa k badal dekhnay nikli thi.
Taiz hawaon mein thehri to apna ghar tak bhool gai,
Aanay waalay toofanon ka rasta roknay nikli thi.
Khawabon k sehra mein bhatki, apni umar ganwa bethi,
Wo larki, jo raakh k dhair mein moti dhoondanay nikli thi.
Jiss ki har aahat say dil ka mosam bheegnay lagta tha,
Uss ki baatein, uss ka lehja kiss mein dhoondanay nikli thi?
Pakistan Rupee Exchange Rate
No comments:
Post a Comment