Dil dharaknay ka sabab yaad aaya
wo teri yaad thi ab yaad aaya
aaj mushkil tha sambhalna aye dost
tu musibat main ajab yaad aaya
din guzra tha bari mushkil sey
phir tera wada_e_shab yaad aaya
tera bhoola huwa paimaan_e_wafa
mar rahain gay agar ab yaad aaya
phir kai loug nazar sey guzray
phir koi shehar_e_tarb yaad aaya
haal_e_dil hum bhi sunatay lekin
jab wo ruhksat huwa tab yaad aaya
baith kar saaya_e_gul main nasir
hum bohot roye wo jab yaad aaya
Pakistan Rupee Exchange Rate
No comments:
Post a Comment