Hijr Ki Bad-dua Na Ho Jana...!!

Hijr Ki Bad-dua Na Ho Jana...!!
Dekh Lena... Saza Na Ho Jana...!!

Morr To Be-Shumar Ayein Gay..!!
Thak na Jana, Juda Na Ho Jana..!!

Ishq Ki Inteha Nahi Hoti..!!
Ishq Ki Inteha Na Ho Jana..!!

Aakhir e Shab Udaas Chand K Saath..!!
Eik Bujh'ta Diya Na Ho Jana..!!

Be-Irada Safar Par Niklay Ho..!!
Raaston Ki Hawa Na Ho Jana..!!

Zindagi Dard Say I'barat Hay..!!
Zindagi Say Khafa Na Ho Jana..!!

Ek Tumhi Ko Khuda Say Maanga Hay..!!
Tum Kahin Be-Wafa Na Ho Jana..!!