Wohi Be'Simt Sa Rasta, Mohabbat Hamsafar Meri
Sarabon Ka Wohi Dhoka, Mohabbat Hamsafar Meri
Ghubaar-e-Raah Bhi Kuch Duur Tak He Sath Cahlta Hai
Wohi Ek Main, Wohi Tanha Mohabbat Hamsafar Meri
Yeh Lamhon Ki Nahi Hai Yeh To Sadiyon Ki Musaafat Hai
Kisi Ki Yaad Ka Sehraa Mohabbat Hamsafar Meri
Koi Kashti Nahi Hai Jo Humain Uss Paar Ley Jaaye
Bhanwar, Biphra Hua Darya, Mohabbat Hamsafar Meri
Wohi Her Waqt Sochon Per Kisi Ki Yaad Ka Pehra
Wohi Din Raat Ka Jalna Mohabbat Hamsafar Meri
Yahan Had-e-Nazar Tak Bus Andheray He Anheray Hain
Na Wo Jugno, Na Wo Taara, Mohabbat Hamsafar Meri
Pakistan Rupee Exchange Rate
No comments:
Post a Comment