Kesi Bakhshish Ka Yeh Samaan Hua Phirta Hai
Shehar Saara Hi Pareshan Hua Phirta Hai
Ek Barood Ki Jecket aur Naara e Takbeer
Rasta Jannat Ka Aasan Hua Phirta Hai
Kaisa Ishq Hai, Terey Naam Pey Qurban Hai Magar
Teri Har Baat Sey Anjaan Hua Phirta Hai
Shab Ko Shaitan Bhi Mangay Hai Panahen Jis Sey
Subh Ko Wo Sahib e Emaan Hua Phirta Hai
Janay Kab Kon Kisey Maar dey "Kafir" Keh Kar
Shehar Ka Shehar 'MUSALMAN' Hua Phirta Hai
Pakistan Rupee Exchange Rate
No comments:
Post a Comment