sooraj our kahan tak teri aag men jalti main
apni aankh sey shabnam ley ker rim jhim barsi main
us ney taiz hawa k bann men daal diye khaimey
kaisey us dehleez pey jaa ker diya jalaati main
utri dhoop dupattey per aur baarish aankhon men
baab e shehar e wasal sey dekho kaisey palti main
jaaney kaisey jaltey jaltey dheemi parr gayi aanch
us ney kaha tha khushboo ho' per mitti ho gayi main
jo bhi waqt ney zakhm diye thay sab payaab rahey
terey ishq men doob k ho gaii kitni gehri main
terye shehar men chaand sitaarey aur sooraj bhi tha
hijr ki basti' raat andheri our akeli main
Pakistan Rupee Exchange Rate
No comments:
Post a Comment