Yoon Lagta Hai Merey Dukh Ko Gawara Kar Lia Us Ney

Bohat Din Ho Gaye Shayad Sahara Kar Liya Us Ney
Hamarey Baad Bhi Aakhir Guzara Kar Lia Us Ney


Hamara Zikar To Us K Labon Pey Aa Nahi Sakta
Hamain Ehsaas Hai Hum Sey Kinara Kar Lia Us Ney


Wo Basti Ghair Ki Basti " Wo Koocha Ghair Ka Koocha
Suna Hai Ishq Bhi Ab To Dobara Kar Lia Us Ney


Suna Hai Ghair Ki Baanhon Ko Wo Apna Samajhta Hai
Yoon Lagta Hai Merey Dukh Ko Gawara Kar Lia Us Ney


Bhula Kar Pyar Ki Qasmain Aur Torr Kar Waadey Mohsin
Kisi Ko Zindgi Sey Bhi Pyara Kar Lia Us Ney !