Sukhan men rang tumharey khayaal hi k to haiN
Ye sab karishmay, hawa ay visaal hi k to haiN
Kaha tha tum ney Keh deta hai kaun ishq men jaan
So hum jawaab, tumhaarey sawaal hi k to haiN
Zara si baat hai dil men agar bayaaN ho jaaye
Tamaam mas’alay, izhaar haal hi k to haiN
YahaaN bhi is k siwa aur kaya naseeb hamaiN
Khataan me reh k bhi chashm-e-ghazaal hi k to haiN
Haawaa ki zad pey hamara safar hai kitni der
Chiraagh hum kisi shaam E zawaal hi k to haiN
Pakistan Rupee Exchange Rate
No comments:
Post a Comment