Yeh kis kaa tasavvur hai, yeh kis kaa fasaanaa hai

yeh kis kaa tasavvur hai, yeh kis kaa fasaanaa hai


jo ashk hai aaNkhon men tasbiih kaa daanaa hai

 

jo un pey guzarti hai kis ney usay jana hai 

apni hi museebat hai apna hi fasana hai

 

aaNkhon men namii sii hai chup-chup se voh baiThey hain


nazuk sii nigaahon men naazuk saa fasaanaa hai

 

yeh ishq nahiin aasaaN itanaa to samajh liijey


ek aag kaa dariyaa hai aur Duub k jaanaa hai

 

yaa voh they Khafaa ham sey yaa ham they Khafaa un sey


kal un kaa zamaanaa thaa aaj apanaa zamaanaa hai