Bay dam huay bemaar,dawa kyun nahi detay

bay dam huay bemaar,dawa kyun nahi detay
tum achay masiihaa ho shifa kyun nahi detay

dard shab_e_ hijran ki jaza kyun nahi detay
khoonِ dil e wehshi ka isla kyun nahi detay

mit jaye gi makhlooq to insaaf karo gey
munsif ho tou ab hashar uttha kiyon nahi detay

haan nuqta vird lao lab o dil ki gawahi
haan naghma garo saaz e sada kyun nahi detay 

paimaan e junoon haathon ko sharmaaye ga kab tak
dil waalo ! gire'baan ka pataa kyun nahi detay

barbadi e dil jabar nahi faiz kisi ka
woh dushman e jaan hai to bhula kyun nahi detay 

بے دم ہوئے بیمار دوا کیوں نہیں دیتے

تم اچھے مسیحا ہو شِفا کیوں نہیں دیتے

دردِ شبِ ہجراں کی جزا کیوں نہیں دیتے
خونِ دلِ وحشی کا صِلا کیوں نہیں دیتے

مِٹ جائے گی مُخلوق تو انصاف کرو گے
منصف ہو تو اب حشر اُٹھا کیوں نہیں دیتے

ہاں نکتہ ورد لاؤ لب و دل کی گواہی
ہاں نغمہ گرو ساز صدا کیوں نہیں دیتے

پیمانِ جُنوں ہاتھوں کو شرمائے گا کب تک
دل والو! گریباں کا پتا کیوں نہیں دیتے

بربادیِ دل جبر نہیں فیض کسی کا
وہ دشمنِ جاں ہے تو بُھلا کیوں نہیں دیتے