وہ تیرے نصیب کی بارشیں

اے شمع کوئے جاناں

موسم

محبت کی ایک نظم

ان جھیل سی گہری آنکھوں میں

اَن سُنے لفظ

کسی ریگزار کی دھوپ میں وہ جو قافلے تھے بہار کے 
وہ جو اَن کھلے سے گلاب تھے 
وہ جو خواب تھے میری آنکھ میں 
جو سحاب تھے تیری آنکھ میں 
وہ بکھر گئے، کہیں راستوں میں غبار کے ! 
وہ جو لفظ تھے دمِ واپسیں 
میرے ہونٹ پر 
تیرے ہونٹ پر 
انہیں کوئی بھی نہیں سُن سکا 
وہ جو رنگ تھے سرِ شاخِ جاں 
تیرے نام کے 
میرے نام کے 
انہیں کوئی بھی نہیں چُن سکا۔ 

ابھی کچھ دن لگیں گے

پا'وں میں نارسائی کا اک آبلہ سہی

شاید وفا کے کھیل سے اکتا گیا تھا وہ

وہ دَمکتی ہوئی لَو کہانی ہوئی، وہ چمکدار شعلہ، فسانہ ہُوا

وہ دَمکتی ہوئی لَو کہانی ہوئی، وہ چمکدار شعلہ، فسانہ ہُوا
وہ جو اُلجھا تھا وحشی ہَوا سے کبھی، اُس دِیے کو بُجھے تو زمانہ ہُوا

ایک خُوشبو سی پھیلی ہے چاروں طرف اُسکے امکان کی اُسکے اعلان کی
رابطہ پھر بھی اُس حُسنِ بے نام سے، جس کا جتنا ہوا، غائبانہ ہُوا

باغ میں پُھول اُس روز جو بھی کِھلا اُسکے بالوں میں سجنے کو بے چین تھا
جو ستارہ بھی اُس رات روشن ہُوا، اُسکی آنکھوں کی جانب روانہ ہُوا

کہکشاں سے پَرے، آسماں سے پَرے، رہگزارِ زمان و مکاں سے پرے
مجھ کو ہر حال میں ڈھونڈنا تھا اُسے، یہ زمین کا سفر تو بہانہ ہُوا

اب تو اُسکے دِنوں میں بہت دُور تک، آسماں ہیں نئے اور نئی دُھوپ ہے
اب کہاں یاد ہو گی اُسے رات وہ جس کو گزرے ہوئے اِک زمانہ ہُوا

موسمِ وصل میں خُوب ساماں ہوئے، ہم جو فصلِ بہاراں کے مہماں ہوئے
گھاس قالین کی طرح بِچھتی گئی، سر پہ ابرِ رواں، شامیانہ ہُوا

اب تو امجد جُدائی کے اُس موڑ تک درد کی دُھند ہے اور کچھ بھی نہیں
جانِ من! اب وہ دن لَوٹنے کے نہیں، چھوڑئیے اب وہ قصّہ پرانا ہُوا

چاند میری کھڑکی میں آئے

گئی بہار کی صورت وہ لوٹ آیا ہے

ہم جانے اعتبار کے کِس مرحلے میں تھے

آنکھوں کو التباس بہت دیکھنے میں تھے 
کل شب عجیب عکس مِرے آئنے میں تھے 

سارے دھنک کے رنگ تھے اُس کے لباس میں 
خُوشبو کے سارے اَنگ اُسے سوچنے میں تھے 

ہر بات جانتے ہُوئے دِل مانتا نہ تھا 
ہم جانے اعتبار کے کِس مرحلے میں تھے 

وصل و فراق دونوں ہیں اِک جیسے ناگزیر 
کُچھ لطف اُس کے قُرب میں، کُچھ فاصلے میں تھے 

سیلِ زماں کی موج کو ہر وار سہہ گئے 
وہ دن، جو ایک ٹاٹے ہُوئے رابطے میں تھے 

غارت گری کے بعد بھی روشن تھیں بستیاں 
ہارے ہُوئے تھے لوگ مگر حوصلے میں تھے 

ہِر پھر کے آئے نقطئہ آغاز کی طرف 
جتنے سفر تھے اپنے کِسی دائرے میں تھے 

آندھی اُڑاکے لے گئی جس کو ابھی ابھی 
منزل کے سب نشان اُسی راستے میں تھے 

چُھولیں اُسے کہ دُور سے بس دیکھتے رہیں! 
تارے بھی رات میری طرح، مخمصے میں تھے 

جُگنو، ستارے، آنکھ، صبا، تتلیاں، چراغ 
سب اپنے اپنے غم کے کِسی سلسلے میں تھے

جتنے تھے خط تمام کا تھا ایک زاویہ 
پھر بھی عجیب پیچ مِرے مئسلے میں تھے 

امجد کتابِ جاں کو وہ پڑھتا بھی کِس طرح  
لکھنے تھے جتنے لفظ، ابھی حافظے میں تھے

ہمارے درمیاں اس وقت جو چاہت کا موسم ہے

وہ عجیب پھول سے لفظ تھے تیرے ہونٹ جن سے مہک اٹھے

جو اتر کر زینہ شام سے تیری چشم خوش میں سما گئے
وہی جلتے بجھتے سے مہر و ماہ مرے بام و در کو سجا گئے

یہ عجیب کھل ہے عشق کا میں نے آپ دیکھا یہ معجزہ
وہ جو لفظ مرے گماں میں تھے وو تیری زبان پر آ گے

وہ جو گیت تم نے سنا نہیں میری عمر بھر کا ریاض تھا
میرے درد کی تھی داستان جسے تم ہنسی میں اڑا گے

وہ چراغ جاں کبھی جس کی لو نہ کسی ہوا سے نگوں ہوئی
تیری بیوفائی کے وسوسے اسے چپکے چپکے بجھا گۓ

وہ تھا چاند چشم وصال کا کہ روپ تیرے جمال کا
میری روح سے میری آنکھ تک کسی روشنی میں نہا گۓ

یہ جو بندگان نیاز ہے یہ تمام ہیں وہ لشکری
جنھیں زندگی نے اماں نہ دی تو تیرے حضور میں آ گۓ

تیری بےرخی کے دیار میں میں ہوا کے ساتھ ہوا ہوا
تیرے آئینے کی تلاش میں میرے خواب چہرہ گنوا گۓ

تیرے وسوسوں کے فشار میں تیرا شرر رنگ اجڑ گیا
میرے خواہشوں کے غبار میں میرے ماہ و سال وفا گۓ

وہ عجیب پھول سے لفظ تھے تیرے ہونٹ جن سے مہک اٹھے
میرے دشت خواب میں دور تک کوئی باغ جیسے لگا گۓ

میری عمر سے نہ سمٹ سکے میرے دل میں اتنے سوال تھے
تیرے پاس جتنے جواب تھے تیری اک نگاہ میں آ گۓ

خشک ہونٹوں پر لرزتی اِک دُعا رہ جائے گی

بستیوں میں اِک صدائے بے صدا رہ جائے گی
بام و دَر پہ نقش تحریرِ ہوا رہ جائے گی

آنسوؤں کا رِزق ہوں گی بے نتیجہ چاہتیں
خشک ہونٹوں پر لرزتی اِک دُعا رہ جائے گی

رُو برو منظر نہ ہوں تو آئینے کس کام کے
ہم نہیں ہوں گے تو دُنیا گردِ پا رہ جائے گی

خواب کے نشّے میں جھکتی جائے گی چشمِ قمر
رات کی آنکھوں میں پھیلی اِلتجا رہ جائے گی

بے ثمر پیڑوں کو چومیں گے صبا کے سبز لب
دیکھ لینا، یہ خزاں بے دست و پا رہ جائے گی

آنکھوں میں لے کے جلتے ہوئے موسموں کی راکھ

حد سے توقعات زیادہ کیے ُہوئے 
بیٹھے ہیں دل میں ایک ارادہ کیے ُہوئے 

اس دشت بے وفائی میں جائیں کہاں کہ ہم 
ہیں اپنے آپ سے کوئی وعدہ کیے ُہوئے 

دیکھو تو کتنے چین سے اک درجہ مطمئن
بیٹھے ہیں ارض پاک کو آدھا کیے ہوئے 

پاؤں سے خواب باندھ کے شام وصال کے 
اک دشت انتظار کو جادہ کیے ہوئے 

آنکھوں میں لے کے جلتے ہوئے موسموں کی راکھ
درد سفر کو تن کا لبادہ کیے ہوئے 

دیکھو تو کون لوگ ہیں!آئے کہاں سے ہیں ! 
اور اب ہیں کس سفر کا لبادہ کیے ہوئے 

اس سادہ رُوکے بزم میں آتے ہی بجھ گئے 
جتنے تھے اہتمام کا زیادہ کیے ہوئے 

اُٹھے ہیں اُس کی بزم سے امجد ہزار بار 
ہم ترک آرزو کا ارادہ کیے ہوئے 

محبت ایسا نغمہ ہے

محبت ایسا نغمہ ہے 
ذرا بھی جھول ہے لَے میں 
تو سُر قائم نہیں ہو تا 

محبت ایسا شعلہ ہے 
ہوا جیسی بھی چلتی ہو 
کبھی مدھم نہیں ہوتا 

محبت ایسا رشتہ ہے 
کہ جس میں بندھنے والوں کے 
دلوں میں غم نہیں ہوتا 

محبت ایسا پودا ہے 
جو تب بھی سبز رہتا ہے 
کہ جب موسم نہیں ہوتا 

محبت ایسا دریا ہے 
کہ بارش روٹھ بھی جائے 
تو پانی کم نہیں ہوتا

یاد

اس موسم ميں جتنے پھول کھليں گے
ان ميں تيري ياد کي خوشبو ہر سو روشن ہوگي
پتہ پتہ بھولے بسرے رنگوں کي تصوير بناتا گزرے گا
اک ياد جگاتا گزرے گا

اس موسم ميں جتنے تارے آسمان پہ ظاہر ہوں گے
ان ميں تيري ياد کا پيکر منظر عرياں ہوگا
تيري جھل مل ياد کا چہرا روپ دکھاتا گزرے گا

اس موسم ميں 
دل دنيا ميں جو بھي آہٹ ہوگي
اس ميں تيري ياد کا سايا گيت کي صورت ڈھل جائے گا
شبنم سے آواز ملا کر کلياں اس کو دوہرائيں گي
تيري ياد کي سن گن لينے چاند ميرے گھر اترے گا

آنکھيں پھول بچھائيں گي
اپني ياد کي خوشبو کو دان کرو اور اپنے دل ميں آنے دو
يا ميري جھولي کو بھر دو يا مجھ کو مرجانے دو

دعا جو بے ٹھکانہ تھي اسے تاثير مل جائے

کوئي زنجير
آہن کي چاندي کي روايت کي
محبت توڑ سکتي ہے
يہ ايسي ڈھال ہے جس پر
زمانے کي کسي تلوار کا لوہا نہيں چلتا
يہ ايسا شہر ہے جس
ميں کسي آمر کسي سلطان کا سکہ نہيں چلتا
اگر چشم تماشا ميں ذرا سي بھي ملاوٹ ہو
يہ آئينہ نہيں چلتا
يہ ايسي آگ ہے جس ميں
بدن شعلون ميں جلتے ہيں تو روہيں مسکراتي ہيں
يہ وہ سيلاب ہے جس کو
دلوں کي بستياں آواز دے کر خود بلاتي ہيں
يہ جب چاہے کسي بھي خواب کو تعبير مل جائے
جو منظر بجھ چکے ہيں انکو بھي تنوير مل جائے
دعا جو بے ٹھکانہ تھي اسے تاثير مل جائے
کسي رستے ميں رستہ پوچھتي تقدير مل جائے
محبت روک سکتي ہے سمے کے تيز دھارے کو
کسي جلتے شرارے کو، فنا کے استعارے کو
محبت روک سکتي ہے کسي گرتے ستارے کو
يہ چکنا چور آئينے کے ريزے جوڑ سکتي ہے
جدھر چاھے يہ باگيں موسموں کي موڑسکتي ہے
کوئي زنجير ہو اس کو محبت توڑ سکتي ہے