ایسا لگتا ہے ، زندگی تم ہو

ایسا لگتا ہے ، زندگی تم ہو

اجنبی کیسے، اجنبی تم ہو

لوگ کہتے ہیں ، اجنبی تم ہو

اجنبی میری زندگی تم ہو

دِل کسی اور کا نہ ہو پایا

آرزو میری آج بھی تم ہو

مجھ کو اپنا شریکِ غم کرلو

یوں اکیلے بہت دُکھی تم ہو

دوستوں سے وَفا کی اُمید یں

کسی زمانے کے آدمی تم ہو

میں زمیں پر گھنا اندھیرا ہوں

آسمانوں کی چاندنی تم ہو

لوگ آتے ہیں، لوگ جاتے ہیں

میری آنکھوں میں آج بھی تم ہو

تم مجھے چھوڑ کے جاؤ گی تو مر جاؤں گا

آگ لہرا کے چلی ہے اِسے آنچل کر دو

تم مجھے رات کا جلتا ہوا جنگل کر دو

چاند سا مصرعہ، اکیلا ہے میرے کاغذ پر

چھت پر آجاؤ، میرا شعر مکمل کر دو

میں تمہیں دل کی سیاست کا ہنر دیتا ہوں

اب اِسے دھوپ بنا دو مجھے پاگل کر دو

اپنے آنگن کی اُداسی سے ذرا بات کرو

نیم کے سوکھے ہوئے پیڑ کو صندل کر دو

تم مجھے چھوڑ کے جاؤ گی تو مر جاؤں گا

یوں کرو جانے سے پہلے مجھے پاگل کر دو

لوگوں نے ہنر اپنا دکھایا بھی بہت ہے

لوگوں نے ہنر اپنا دکھایا بھی بہت ہے
جا جا کے اسے میں نے منایا بھی بہت ہے

کچھ ایسے ہی گزرے ہیں یہ موسم یہ ماہ و سال
رویا ہوں بہت اس کو رلایا بھی بہت ہے

سچ پوچھو تو پیارا بھی بہت لگتا ہے دل کو
وہ شخص کہ دل جس نے دُکھایا بھی بہت ہے

گزرے ہوں فقط ہجر میں دن، یہ بھی نہیں بات
کھویا ہے بہت اس کو تو پایا بھی بہت ہے

اب کرنا پڑا آپ ہی افشاء اسے آخر
وہ راز کہ دنیا سے چُھپایا بھی بہت ہے

تپتے ہوئے رستے پہ مسافر کے لئے تو
ساعت کے لئے ابر کا سایہ بھی بہت ہے

کچھ بھید نہیں کھلتا خزانہ بھی بہت ہے
وافر ہیں وسائل بھی رعایا بھی بہت ہے

دھندلا ہی سہی پھر بھی نظر آتا ہے لکھا
اک حرف جو تختی سے مٹایا بھی بہت ہے

ہوتا ہی نہیں آنکھ سے اوجھل کسی لمحے
میں نے تو بشیر اس کو بُھلایا بھی بہت ہے

تم مجھے چھوڑ کے جا'و گے تو مر جا؛وں گا

مدتوں بعد مری آنکھ میں آنسو آئے

وقت رخصت کہیں تارے کہیں جگنو آئے
ہار پہنانے مجھے پھول سے بازو آئے

بس گئی ھے مرے احساس میں یہ کیسی مہک
کوئی خوشبو میں لگاؤں تری خوشبو آئے

میں نے دن رات خدا سے یہ دعا مانگی تھی
کوئی آہٹ نہ ھومرے در پہ اور تو آئے

اسکی باتیں کہ گل و لالہ پر شبنم برسے
سب کو اپنانے کا اس شوخ کو جادو آئے

ان دنوں آپ کا عالم بھی عجب عالم ھے
شوخ کھایا ھوا جیسے کوئی آھو آئے

اس نے چھو کر مجھے پتھر سے انسان کیا
مدتوں بعد مری آنکھ میں آنسو آئے

عجب حالات تھے یوں دل کا سودا ہو گیا آخر

ہمارا دل سویرے کا سنہرا جام ہو جائے
چراغوں کی طرح آنکھیں جلیں جب شام ہو جائے

کبھی تو آسماں سے چاند اُترے جام ہو جائے
تمہارے نام کی اک خوبصورت شام ہو جائے

عجب حالات تھے یوں دل کا سودا ہو گیا آخر
محبت کی حویلی جس طرح نیلام ہو جائے

سمندر کے سفر میں اسطرح آواز دے ہم کو
ہوائیں تیز ہوں اور کشتیوں میں شام ہو جائے

مجھے معلوم ہے اس کا ٹھکانہ پھر کہاں ہو گا
پرندہ آسماں چُھونے میں جب ناکام ہو جائے

اُجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے

خدا ہم کو ایسی خدائی نہ دے

خدا ہم کو ایسی خدائی نہ دے
کہ اپنے سوا کچھ دکھائی نہ دے

خطا وار سمجھے گی دنیا تجھے
اب اتنی زیادہ صفائی نہ دے

ہنسو آج اتنا کہ اس شور میں
صدا سسکیوں کی سنائی نہ دے

مجھے ایسی جنت نہیں‌ چاہیے
جہاں سے مدینہ دکھائی نہ دے

خدا ایسے احساس کا نام ہے
رہے سامنے اور دکھائی نہ دے