کیسے کہیں کہ جان سے پیارا نہیں رہا

کیسے کہیں کہ جان سے پیارا نہیں رہا
یہ اور بات ہے اب وہ ہمارا نہیں رہا

کچھ دن تمھارے لوٹ کے آنے کی آس تھی
اب اس امید کا بھی سہارا نہیں رہا

رستے مہ و نجوم کے تبدیل ہو گئے
ان کھڑکیوں میں ایک بھی تارا نہیں رہا

سمجھے تھے دوسروں سے بہت مختلف تجھے
کیا مان لیں کہ تو بھی ہمارا نہیں رہا

ہاتھوں پہ بجھ گئی ہے مقدر کی کہکشاں
یا راکھ ہو گیا وہ ستارہ نہیں رہا

بھولی لڑکی

تمہارے بعد میرے زخم نارسائی کو

ملیں پھر آکے اسی موڑ پر دعا کرنا

ملیں پھر آکے اسی موڑ پر دعا کرنا 
کڑا ہے اب کے ہمارا سفر دعا کرنا 

دیارِ خواب کی گلیوں کا جو بھی نقشہ ہو 
مکینِ شہر نہ بدلیں نظر دعا کرنا 

چراغ جاں پہ اس آندھی میں خیریت گزرے 
کوئی امید نہیں ہے مگر دعا کرنا 

تمہارے بعد مرے زخمِ نارسائی کو 
نہ ہو نصیب کوئی چارہ گر دعا کرنا 

مسافتوں میں نہ آزار جی کو لگ جائے 
مزاج داں نہ ملیں ہم سفر دعا کرنا 

دکھوں کی دھوپ میں دامن کشا ملیں سائے 
ہر ے رہیں یہ طب کے شجر دعا کرنا 

نشاطِ قرب میں آئی ہے ایسی نیند مجھے 
کھلے نہ آنکھ میری عمر بھی دعا کرنا 

کڑا ہے اب کے ہمارا سفر دعا کرنا 
دیارِ خواب کی گلیوں کا جو بھی نقشہ ہو 

مکینِ شہر نہ بدلیں نظر دعا کرنا 
چراغ جاں پہ اس آندھی میں خیریت گزرے 

کوئی امید نہیں ہے مگر دعا کرنا 
تمہارے بعد مرے زخمِ نارسائی کو 

نہ ہو نصیب کوئی چارہ گر دعا کرنا 
مسافتوں میں نہ آزار جی کو لگ جائے 

مزاج داں نہ ملیں ہم سفر دعا کرنا 
دکھوں کی دھوپ میں دامن کشا ملیں سائے 

ہر ے رہیں یہ طب کے شجر دعا کرنا 
نشاطِ قرب میں آئی ہے ایسی نیند مجھے 

کھلے نہ آنکھ میری عمر بھر دعا کرنا

افسانے جدائی کے سنائے گا بہت وہ

معلوم نہ تھا ہم کو ستائے گا بہت وہ 
بچھڑے گا تو پھر یاد بھی آئے گا بہت وہ 

اب جس کی رفاقت میں بہت خندہ بہ لب ہیں 
اس بار ملے گا تو رلائے گا بہت وہ 

چھوڑ آئے گا تعبیر کے صحرا میں اکیلا 
ہر چند ہمیں خواب دکھائے گا بہت وہ 

وہ موج ہوا بھی ہے ذرا سوچ کے ملنا 
امید کی شمعیں تو جلائے گا بہت وہ 

ہونٹوں سے نہ بولے گا پر آنکھوں کی زبانی 
افسانے جدائی کے سنائے گا بہت وہ

اب کسی اور کے ہاتھوں میں ترا ہاتھ سہی

پھول تھے رنگ تھے لمحوں کی صباحت ہم تھے 
ایسے زندہ تھے کہ جینے کی علامت ہم تھے 

سب خرد مند بنے پھرتے ہیں ہر محفل میں 
اس ترے شہر میں اک صاحبِ وحشت ہم تھے 

اب کسی اور کے ہاتھوں میں ترا ہاتھ سہی 
یہ الگ بات کبھی اہلِ رفاقت ہم تھے 

رتجگوں میں تری یاد آئی تو احساس ہوا 
تیری راتوں کا سکوں نیند کی راحت ہم تھے 

اب تو خود اپنی ضرورت بھی نہیں ہے ہم کو 
وہ بھی دن تھے کہ کبھی تیری ضرورت ہم تھے

تو کھو گیا تو اپنا پتہ بھی نہیں رہا

تھی جس سے روشنی ، وہ دیا بھی نہیں رہا 
اب دل کو اعتبارِ ہوا بھی نہیں رہا 

تو بجھ گیا تو ہم بھی فروزاں نہ رہ سکے 
تو کھو گیا تو اپنا پتہ بھی نہیں رہا 

کچھ ہم بھی ترے بعد زمانے سے کٹ گئے 
کچھ ربط و ضبط خدا سے بھی نہیں رہا 

گویا ہمارے حق میں ستم در ستم ہوا 
حرفِ دعا بھی ، دستِ دعا بھی نہیں رہا 

کیا شاعری کریں کہ ترے بعد شہر میں 
لطف کلام ، کیفِ نوا بھی نہیں رہا

اس کے کچھ حرفِ دل آزار بہت یاد آئے

رات کچھ یارِ طرحدار بہت یاد آئے
وہ گلی کوچے، وہ بازار بہت یاد آئے

جن کے ہونے کی تسلی سے خوشی ہوتی تھی
درد چمکا تو وہ غمخوار بہت یاد آئے

شامِ فرقت میں چمکتی ہوئی صبحوں کی طرح
اپنے گھر کے درودیوار بہت یاد آئے

سامنے دیکھ کے پرچھائیاں انسانوں کی
کسی افسانے کے کردار بہت یاد آئے

جن کے سایوں میں ہمیں نیند بہت آتی تھی
دھوپ میں ہم کو وہ اشجار بہت یاد آئے

سبھی اچھے تھے ترے شہر کے اربابِ کرم
ہاں، مگر ان میں سے دو چار بہت یاد آئے

اب جو بھیجا مجھے خط اس نے بڑے پیار کے ساتھ
اس کے کچھ حرفِ دل آزار بہت یاد آئے

بند دریچے سونی گلیاں ان دیکھے انجانے لوگ

بند دریچے سونی گلیاں ان دیکھے انجانے لوگ
کس نگری میں آنکلے ہیں ساجد ہم دیوانے لوگ

ایک ہمی ناواقف ٹھہرے روپ نگر کی گلیوں سے 
بھیس بدل کر ملنے والے سب جانے پہچانے لوگ

دن کو رات کہیں سو برحق صبح کو شام کہیں سو خوب
آپ کی بات کا کہنا ہی کیا آپ ہوئے فرزانے لوگ

شکوہ کیا اور کیسی شکایت آخر کچھ بنیاد تو ہو
تم پر میرا حق ہی کیا ہے، تم ٹھہرے بیگانے لوگ

شہر کہاں خالی رہتا ہے یہ دریا ہر دم بہتا ہے
اور بہت سے مل جائیں گے ہم ایسے دیوانے لوگ

اب شوقِ سفر، خواہشِ یکجائی بہت ہے

اب شوقِ سفر، خواہشِ یکجائی بہت ہے
دشمن ہی ملے ، راہ میں تنہائی بہت ہے 

ہم کون سے غالب تھے کہ شہرت ہمیں ملتی 
دنیا ، تری اتنی بھی پذیرائی بہت ہے 

زخموں کی نمائش کا سلیقہ نہیں ہم کو 
وہ ہیں کہ انہیں شوقِ مسیحائی بہت ہے 

لوگوں سے تعارف نہ کوئی جان نہ پہچان 
دل ہے کہ اسی بزم کا شیدائی بہت ہے 

گلیوں میں مگر کوئی دریچہ نہیں کھلتا 
آپس میں یہاں شورِ شناسائی بہت ہے 

شامیں ہیں بہت سوختہ ، برسات میں ساجد
کہنے کو بھرا شہر ہے ، تنہائی بہت ہے 

مجھے کس کی آگ جُھلسا گئی؟ میرے دل کو کس کا مَلال تھا؟

مجھے ایسا لطف عطا کیا، جو ہجر تھا نہ وصال تھا

مرے موسموں کے مزاج داں، تجھے میرا کتنا خیال تھا


کسی اور چہرے کو دیکھ کر، تری شکل ذہن میں آگئی

تیرا نام لے کے ملا اسے، میرے حافظے کا یہ حال تھا


کبھی موسموں کے سراب میں، کبھی بام و در کے عذاب میں

وہاں عمر ہم نے گزار دی، جہاں سانس لینا مُحال تھا


کبھی تُو نے غور نہیں کیا، کہ یہ لوگ کیسے اُجڑ گئے؟

کوئی میر جیسا گرفتہ دل، تیرے سامنے کی مثال تھا


تیرے بعد کوئی نہیں ملا، جو یہ حال دیکھ کے پوچھتا

مجھے کس کی آگ جُھلسا گئی؟ میرے دل کو کس کا مَلال تھا؟


کہیں خون ِدل سے لکھا تو تھا، تیرے سال ِہجر کا سانحہ

وہ ادھوری ڈائری کھو گئی، وہ نجانے کون سا سال تھا؟

ہر درد پہن لینا ، ہر خواب میں کھو جانا

ہر درد پہن لینا ، ہر خواب میں کھو جانا
کیا اپنی طبیعت ہے ، ہر شخص کا ہو جانا

اک شہر بسا لینا بچھڑے ہوئے لوگوں کا
پھر شب کے جزیرے میں دل تھام کے سو جانا

موضوعِ سخن کچھ ہو ، تا دیر اسے تکنا
ہر لفظ پہ رک جانا ، ہر بات پہ کھو جانا

آنا تو بکھر جانا سانسوں میں مہک بن کر
جانا تو کلیجے میں کانٹے سے چبھو جانا

جاتے ہوئے چپ رہنا ان بولتی آنکھوں کا
خاموش تکلم سے پلکوں کو بھگو جانا

لفظوں میں اتر آنا ان پھول سے ہونٹوں کا
اک لمس کی خوشبو کا پوروں میں سمو جانا

ہر شام عزائم کے کچھ محل بنا لینا
ہر صبح ارادوں کی دہلیز پہ سو جانا

وہی ہے رنگِ جنوں ، ترکِ ربط و ضبط پہ بھی

یہی نہیں کہ فقط ہم ہی اضطراب میں ہیں
ہمارے بھولنے والے بھی اس عذاب میں ہیں

اسی خیال سے ہر شام جلد نیند آئی
کہ مجھ سے بچھڑے ہوئے لوگ شہرِ خواب میں ہیں

وہی ہے رنگِ جنوں ، ترکِ ربط و ضبط پہ بھی
تری ہی دھن میں ہیں اب تک اسی سراب میں ہیں

عزیز کیوں نہ ہو ماضی کا ہر ورق ہم کو
کہ چند سوکھے ہوئے پھول اس کتاب میں ہیں

شناوروں کی رسائی کے منتظر ساجد
ہم اپنے عہد کے اک شہرِ زیر آب میں ہیں 

ملیں پھر آکے اسی موڑ پر دعا کرنا

ملیں پھر آکے اسی موڑ پر دعا کرنا

کڑا ہے اب کے ہمارا سفر دعا کرنا

دیارِ خواب کی گلیوں کا جو بھی نقشہ ہو

مکینِ شہر نہ بدلیں نظر دعا کرنا

چراغ جاں پہ اس آندھی میں خیریت گزرے

کوئی امید نہیں ہے مگر دعا کرنا

تمہارے بعد مرے زخمِ نارسائی کو

نہ ہو نصیب کوئی چارہ گر دعا کرنا

مسافتوں میں نہ آزار جی کو لگ جائے

مزاج داں نہ ملیں ہم سفر دعا کرنا

دکھوں کی دھوپ میں دامن کشا ملیں سائے

ہر ے رہیں یہ طب کے شجر دعا کرنا

نشاطِ قرب میں آئی ہے ایسی نیند مجھے

کھلے نہ آنکھ میری عمربھردعا کرنا

اک جو ملال ہجر تھا صبح طلب سے شام تک

کوئی تو تھا پسِ ہوا، آخرِ شب کے دشت میں

ہم سے ہم کلام تھا آخر شب کے دشت میں

جیسے کسی کی یاد نے سینے پہ ہاتھ رکھ دیا

جیسے کوئی دیا جلا آخر شب کے دشت میں

ایک ہجوم دلبراں ، ایک جلوس رفتگاں

بچھڑا تو ہم سے آملا آخر شب کے دشت میں

اک جو ملال ہجر تھا صبح طلب سے شام تک

ہم نے کہیں گنوا دیا آخر شب کے دشت میں

ایسا لگا کہ اوس میں بھیگے ہوئے درخت سے

موج ہوا نے کچھ کہا آخر شب کے دشت میں

زینہ دل پہ چاپ سی جانے تھی کس خیال کی

درد تلک کوئی نہ تھا آخر شب کے دشت میں

ملتان کے عشق میں

بچھڑ کر بھی ترے چہرے پہ اطمینان کیسا ہے

میں ساجد سوچتا رہتا ہوں تو انسان کیسا ہے

پرندوں سے ہوئیں خالی منڈیریں ، پھول سے شاخیں

یہ کیا رت ہے ، یہ شہر دلبراں ویران کیسا ہے

کھلے ہیں تختیوں پر اجنبی ناموں کے گل بوٹے

یہ موسم آشنا گلیوں میں میری جان کیسا ہے

نہیں آتی کسی امید کے قدموں کی آہٹ بھی

کہاں ہیں لوگ اس گھر کے ، یہ دل سنسان کیسا ہے

رگ و پے میں سرِ شب کیسی شمعیں جھلملاتی ہیں

اجالے کا سفر شریان در شریان کیسا ہے

میں بابِ شہر سے نکلا تھا ساجد موسم گل میں

نجانے ان بہاروں میں مرا ملتان کیسا ہے

مرے دل پہ ہاتھ رکھو ذرا ، مری دھڑکنوں کو قرار دو

تمہیں جب کبھی ملیں فرصتیں،مرے دل سے بوجھ اتار دو

میں بہت دنوں سے اداس ہوں، مجھے کوئی شام ادھار دو

مجھے اپنے روپ کی دھوپ دو کہ چمک سکیں مرے خال وخد

مجھے اپنے رنگ میں رنگ دو، مرے سارے زنگ اتار دو

کسی اور کو مرے حال سے نہ غرض ہے نہ کوئی واسطہ

میں بکھر گیا ہوں سمیٹ لو، میں بگڑ گیا ہوں سنوار دو

مری وحشتوں کو بڑھا دیا ہے جدائیوں کے عذاب نے

مرے دل پہ ہاتھ رکھو ذرا ، مری دھڑکنوں کو قرار دو

تمہیں صبح کیسی لگی، مری خواہشوں کے دیار میں

جو بھلی لگی تو یہیں رہو، اسے چاہتوں سے نکھار دو

وہاں گھر میں کون ہے منتظر کہ ہو فکر دیر سویر کی

بڑی مختصر سی یہ رات ہے اسی چاندنی میں گذاردو

کوئی بات کرنی ہے چاند سے، کسی شاخسار کی اوٹ میں

مجھے راستے میں یہیں کہیں کسی کنج گل میں اتار دو

تجھے کھو کے سوچتا ھوں

کبھی تونے خود بھی سوچا کہ یہ پیاس ھے تو کیوں ھے
تجھے پا کے بھی مرادل جو اداس ھے تو کیوں ھے

مجھے کیوں عزیز تر ھے یہ دھواں دھواں سا موسم
یہ ھوائے شام ہجراں مجھے راس ھے تو کیوں ھے

تجھے کھو کے سوچتا ھوں مرے دامن طلب میں
کوئی خواب ھے تو کیوں ھے کوئی آس ھے تو کیوں ھے

میں اجڑ کے بھی ھوں تیرا تو بچھڑ کے بھی ھے میرا
یہ یقین ھے تو کیوں ھے یہ قیاس ھے تو کیوں ھے

مرے تن برہنہ دشمن اسی غم میں گھل رھے ھیں
کہ مرے بدن پہ سالم یہ لباس ھے تو کیوں ھے

کبھی پوچھ اس کے دل سے کہ یہ خوش مزاج شاعر
بہت اپنی شاعری میں جو اداس ھے تو کیوں ھے

ترا کس نے دل بجھایا مرے اعتبار ساجد
یہ چراغ ہجر اب تک ترے پاس ھے تو کیوں ھے 

اب شوقِ سفر، خواہشِ یکجائی بہت ہے

اب شوقِ سفر، خواہشِ یکجائی بہت ہے
دشمن ہی ملے ، راہ میں تنہائی بہت ہے

ہم کون سے غالب تھے کہ شہرت ہمیں ملتی 
دنیا ، تری اتنی بھی پذیرائی بہت ہے

زخموں کی نمائش کا سلیقہ نہیں ہم کو 
وہ ہیں کہ انہیں شوقِ مسیحائی بہت ہے

لوگوں سے تعارف نہ کوئی جان نہ پہچان 
دل ہے کہ اسی بزم کا شیدائی بہت ہے

گلیوں میں مگر کوئی دریچہ نہیں کھلتا 
آپس میں یہاں شورِ شناسائی بہت ہے

شامیں ہیں بہت سوختہ ، برسات میں ساجد
کہنے کو بھرا شہر ہے ، تنہائی بہت ہے

میں بہت دنوں سے اداس ہوں