Kuch yadgar-e-shehr-e-sitam'gar hi ley chalain

Kuch yadgar-e-shehr-e-sitam'gar hi ley chalain

Aaye hain is gali men to Pathar hi ley chalain

Yuun Kis trha Katay ga Karri dhoop Ka safar?

Sar Per Khayal-e-yar Ki chaadar hi ley chalain

Ranj-e-safar Ki Koi nishani to Pas ho

Thori si Khaak-e-Koocha-e-Dilbar hi ley chalain

Yeh Keh K chairti hai hamein Dil'giraftagi

Ghabra gaye hain Aap to bahir hi ley chalain

Is shehr-e-be'chiragh men Jaaye gi tu Kahan?

Aa Ay_shab-e-firaaq tujhey ghar hi ley chalain

Ab k bars main tanhaa huuN

apnii dhun men rehta huuN

main bhii terey jaisa huuN

o pichhli rut k saathi

ab k bars main tanhaa huuN

terii galii men saaraa din

dukh k kankar chunataa huuN

mujh sey aaNkh milaaye kaun

main tera aaiina huuN

mera diyaa jalaaye kaun

main teraa Khaalii kamraa huuN

tuu jiivan kii bharii galii

main jangal kaa rastaa huuN

apanii lehar hai apanaa rog

dariyaa huuN aur pyaasaa huuN

aatii rut mujhey roye gii

jaatii rut kaa jhoNkaa huuN

Dhun: Whim, Zeal

Lahar: Ecstasy, Emotion, Excitement, Rapture, Waft, Wave

Rog: Illness, Bad Habit, Botheration, Entanglement, Embarrassment

Milti Hai Zindagi Men Yeh Raahat Kabhi Kabhi

Hoti Hai Terey Naam Sey Wehshat Kabhi Kabhi
Barham Hui Hai YuN Bhi Tabiyat Kabhi Kabhi

Ay Dil Kisey Nasiib Yeh Taufiq-E-Iztirab
Milti Hai Zindagi Men Yeh Raahat Kabhi Kabhi

Terey Karam Sey Ay Aalam-E-Husn-E-Aafrin
Dil Ban Gaya Hai Dost Ki Khilwat Kabhi Kabhi

Josh-E-Junun MeN Dard Ki TuGhyaniyoN K Sath
AshkoN MeN Dhal Gayi Teri Surat Kabhi Kabhi

Terey Qarib Reh K Bhi Dil Mutma’in Na Tha
Guzri Hai Mujh Pey  Yeh Bhi Qayamat Kabhi Kabhi

Kuch Apna Hosh Tha Na Tumhara Khayal Tha
Yun Bhi Guzar Gayi Shab-E-Furqat Kabhi Kabhi

Ay Dost Ham Ney Tark-E-Muhabbat K Baa'wajud
Mehsoos Ki Hai Teri Zarurat Kabhi Kabhi

Yeh Shab Yeh Khawab o Khayal Teray

Tu Bhi Dil Say Utar Na Jaaye Kahin

Wo hijar ki raat ka sitara

Gaye Dinon Ka Suraagh Lay Ker Kidhar Sey Aaya Kidhar Gaya Woh
Ajeeb Maanoos Ajnabi Tha Mujhay To Hairan Ker Gaya Woh

Wo Maikaday Ko Jaganay Wala, Wo Raaton Ki Neendain Uranay Wala
Yeh Aaj Kaya Uss Kay Jee Men Aayee Keh Shaam Hotay He Ghar Gaya Woh

Khushi Ki Rut Ho Keh Gham Ka Mousam Nazar Dhoondhti Hai Usey Her Dum
Woh Boo-E-Gul Tha Keh Naghma-E- Jaan Mairay To Dil Men Uttar Gaya Woh

Bas Ek Moti Si Chhab Dikha Ker Bas Ek Meethi Si Dhun Suna Ker
Sitara-E-Shaam Ban Ker Aaya Barang-E-Khawab-E- Sehar Gaya Woh

Na Ab Who Yaadon Ka Charhta Darya Na Fursaton Ki Udaas Barkha
Younhi Zara Si Kasak Hai Dil Men Jo Zakham Gehra Tha Bhar Gaya Woh

Wo Jiss Kay Shaaney Pay Haath Rakh Kar Safar Kiya Tu Nay Manzilon Ka
Teri Galli Say Naa Janay Kyun, Aaj Sar Jukaaye Guzar Gaya Woh

Kuch Ab Sambhalnay Lagi Hai Jaan Bhi Badal Chala Rang-E-Assman Bhi
Jo Raat Bhaari Thi Thal Gayee Jo Din Karraa Tha Guzar Gaya Woh

Woh Raat Ka Be-Nawa Musafir, Who Tera Shayar, Woh Tera Nasir
Teri Galli Tak To Hum Nay Dekha, Phir Naa Janay Kidhar Gaya Woh

Wo hijar ki raat ka sitara wo ham nafas ham sukhan hmara..
Sadaa rahay naam us ka pyara suna hai kal rat mar gaya woh...

Dhayaan Ki Seerrhiyon Pay Pichhlay Pehar