عید کارڈ

تم کو عید مبارک ہو

یاد ہے تم کو سالِ گزشتہ
چاند رات کو چھت پر تم نے
چاند کو غور سے دیکھا اور پھر
پلٹ کے میرا چہرہ دیکھا
اور یوں بولے
"تم ہی میرے چاند ہو جاناں!
اس دھرتی پر آن اترے ہو میری خاطر
تم کو عید مبارک ہو"
اب بتلاؤ دیس پرائے
کتنے چاند زمیں پر اترے؟
کس کس چاند کو تم نے کہا ہے؟
تم کو عید مبارک ہو

آنکھوں میں چبھ گئیں تری یادوں کی کرچیاں

د ل درد سے نڈھال ہے اور چاند رات ہے
آنکھوں میں چبھ گئیں تری یادوں کی کرچیاں
کاندھوں پہ غم کی شال ہے اور چاند رات ہے
دل توڑ کے خموش نظاروں کا کیا ملا؟
شبنم کا یہ سوال ہے اور چاند رات ہے
کیمپس کی نہر پر ہے ترا ہاتھ ہاتھ میں
موسم بھی لازوال ہے اور چاند رات ہے
ہر اک کلی نے اوڑھ لیا ماتمی لباس
ہر پھول پر ملال ہے اور چاند رات ہے
چھلکا سا پڑ رہا ہے وصی وحشتوں کا رنگ
ہر چیز پہ زوال ہے اور چاند رات ہے

گئے برس کی عید کا دن کیا اچھا تھا

گئے برس کی عید کا دن کیا اچھا تھا
چاند کو دیکھ کے اُس کا چہرہ دیکھا تھا
فضا میں کیٹس کے لہجے کی نرماہٹ تھی
موسم اپنے رنگ میں فیض کا مصرعہ تھا
دُعا کے بے آواز، الوہی لمحوں میں
وہ لمحہ بھی کتنا دلکش تھا
ہاتھ اُٹھا کر جب آنکھوں ہی آنکھوں میں
اُس نے مُجھ کو اپنے رب سے مانگا تھا
پھر میرے چہرے کو ہاتھوں میں لے کر
کتنے پیار سے میرا ما تھا چُوما تھا
ہَوا! کچھ آج کی شب کا بھی احوال سُنا
کیا وہ اپنی چھت پر آج اکیلا تھا؟
یا کوئی میرے جیسی ساتھ تھی،اور اُس نے
چاند کو دیکھ کر اُس کا چہرہ دیکھا تھا

میری پلکوں پہ ستارے تھے

پھر عید آئ ہے

اگر اجاژت ہو

نہیں آئے اب کی بار بھی تم

خوشنصیب

مسرت جو تیری دید سے وابستہ ہے

عید مبارک

بن دیکھے اسے یا رب یہ عید نہ گژرے

عید کے چاند نے بھی انداز تمہارے سیکھے

پردیس تنہائ اور یادیں

خو شیوں کی شام

تمہیں کوئی یاد کرتا ہے

عید کا چاند