میں کچھ کچھ بھولتا جاتا ہوں اب تجھ کو

سادہ کاغز پہ لکھ کے نام تیرا

شام سے آنکھ میں نمی سی ہے

تجھ سے ناراض نہیں زندگی

کیوں اتنی لمبی ہو تی ہے، چاندنی رات جُدائی کی

تنکا تنکا کانٹے توڑے ___ ساری رات کٹائی کی 
کیوں اتنی لمبی ہو تی ہے، چاندنی رات جُدائی کی
  
اروں کی روشن فصلیں اور چاند کی ایک درانتی تھی 
ساہوکار نے گروی رکھ لی میری رات کٹائی کی

آنکھوں اور کانوں میں سنا ٹے سے بھر جاتے ہیں 
کیا تم نے اُڑتی دیکھی ہے، ریت کبھی تنہا ئی کی

سینے میں دِل کی آہٹ، جیسے کوئی جاسوس چلے 
ہر سائے کا پیچھا کرنا، عادت ہے ہر جائی کی

 نیند میں کوئی اپنے آپ سے باتیں کرتا رہتا ہے
کال کنویں میں گونجتی ہے، آواز کسی سودائی کی

صبح صبح اِک خواب کی دستک پر دروازہ کھولا

صبح صبح اِک خواب کی دستک پر دروازہ کھولا

دیکھا سرحد کے اُس پار کے کچھ مہمان آئے ہیں

آنکھوں سے مانوس تھے سارے

چہرے سارے سُنے سنائے

پاؤں دھوئے، ہاتھ دُھلائے

آنگن میں آسن لگوائے

اور تنور پہ مکی کے کچھ موٹے موٹے روٹ پکائے

پوٹلی میں مہمان مِیرے

پچھلے سالوں کی فصلوں کا گڑ لائے تھے

آنکھ کھلی تو دیکھا گھر میں کوئی نہیں تھا

ہاتھ لگا کر دیکھا تو تنور ابھی تک بُجھا نہیں تھا

اور ہونٹوں پر میٹھے گڑ کا ذائقہ اب تک چپک رہا تھا

خواب تھا شاید

خواب ہی ہو گا

سرحد پر کل رات، سُنا ہے،

چلی تھی گولی

سرحد پر کل رات، سُنا ہے

کچھ خوابوں کا خون ہوا تھا

دن کچھ ایسے گزارتا ہے کوئی

دن کچھ ایسے گزارتا ہے کوئی
جیسے احساں اتارتا ہے کوئی

آئینہ دیکھ کر تسّلی ہوئی
ہم کو اس کے گھر میں جانتا ہے کوئی

پَک گیا ہے شجر پہ پھل شاید
پھر سے پتھر اچھالتا ہے کوئی

پھر نظر میں لہو کے چھینٹے ہیں
تم کو شاید مغالطہ ہے کوئی

دیر سے گونجتے ہیں سناٹے
جیسے ہم کو پکارتا ہے کوئی

معنی کا عذاب

چوک سے چل کر، منڈی اور بازار سے ہوکر
لال گلی سے گزری ہے کاغذ کی کشتی
بارش کے لاوارث پانی پر بیٹھی بیچاری کشتی
شہر کی آوارہ گلیوں میں سہمی سہمی گھوم رہی ہے
پوچھ رہی ہے
ہر کشتی کا ساحل ہوتا ہے تو کیا میرا بھی کوئی ساحل ہوگا

بھولے بھالے اک بچے نے
بے معنی کو معنی دے کر
ردی کے کاغذ پر کیسا ظلم کیا ہے

بِیمار یاد

اِک یاد بڑی بِیمار تھی کل

کل ساری رات اُس کے ماتھے پر

برف سے ٹھنڈے چاند کی پَٹّی رَکھ رَکھ کر

اِک اِک بُوند دِلاسہ دے کر

ازحد کوشش کی اُس کو زندہ رکھنے کی 

پَو پَھٹنے سے پہلے لیکن 

آخری ہِچکی لے کر وہ خاموش ہوئی

اِک یاد بڑی بِیمار تھی کل

کل ساری رات اُس کے ماتھے پر

برف سے ٹھنڈے چاند کی پَٹّی رَکھ رَکھ کر

اِک اِک بُوند دِلاسہ دے کر

ازحد کوشش کی اُس کو زندہ رکھنے کی 

پَو پَھٹنے سے پہلے لیکن 

آخری ہِچکی لے کر وہ خاموش ہوئی