تجھے گنوا کے مجھے پھر کہاں سنبھلنا تھا

جی چاہتا ہے اب کوئی تیرے سوا بھی ہو

شیشۂ جاں میں بس اک شخص کا چہرا دیکھا

عمر بھر شامِ غمِ خواب کا راستہ دیکھا 
شیشۂ جاں میں بس اک شخص کا چہرا دیکھا 

خواب کی آب ستاروں کی طرح بجھنے لگی 
نیند میں ڈوبے ہوئے شہر کا نقشہ دیکھا 

بے نوائی تیری صورت میری آواز میں تھی 
لفظ در لفظ اک آواز کا رشتہ دیکھا 

چار جانب تھا اندھیرا میری بینائی کا 
پسِ دیوارِ وفا، دن کا اُجالا دیکھا 

زخم در زخم اک انگشتِ حنائی دیکھی 
ریگ در ریگ چمکتا ہوا شیشہ دیکھا

تابشِ تیغ سے چندھیا گئیں آنکھیں خاور
دیکھنے والوں نے کب قتل کیا حیلہ دیکھا

پھر دل نے کیا ترک تعلق کا ارادہ

یہ ہجر و وصال بھی عجب ہیں

آئینوں میں خواب ایک سے ہیں
موسم سرِ آب ایک سے ہیں

ہر شخص کے دکھ الگ الگ ہیں
پڑھیے تو نصاب ایک سے ہیں

آنکھیں ہوں، ستارہ ہو کہ جگنو
یہ سارے شہاب ایک سے ہیں

یہ ہجر و وصال بھی عجب ہیں
دونوں کے عذاب ایک سے ہیں

اس کوفۂ تشنگی میں خاور
دریا و سراب ایک سے ہیں

درد کی بارش

مجھ کو جینے کی دعا دو گے تو مر جا'ونگی

دل ٹوٹے تو پھر کب جسم سنبھلتا ہے ۔۔۔۔۔۔۔ ؟

 

جیسے پہاڑ پھسلتا ہے 
دھیرے دھیرے اور پھر یکدم جیسے پہاڑ پھسلتا ہے 
اِک مدَّت تک دُکھ کا شعلہ اندر اندر جلتا ہے
کوئی شے آسائش کو آزار بناتی رہتی ہے 
کھوکھلی خواہش جینے کو دشوار بناتی رہتی ہے
تنھائی چھپ چھپ کر دل میں خار بناتی رہتی ہے
مٹی مٹتے مٹتے بھی آثار بناتی رہتی ہے
گدلا چشمہ قطرہ قطرہ آنسو آنسو ڈھلتا ہے 
سارے کاہی خاکی بندھن اک اک کرکے ٹوٹتے ہیں
گیلی مٹی رفتہ رفتہ حوصلہ چھوڑتی جاتی ہے
اور پھر ایک دن 
خاک کا تودہ چلتا ہے
منظر رنگ بدلتا ہے 
دل ٹوٹے تو پھر کب جسم سنبھلتا ہے ۔۔۔۔۔۔۔ ؟