Wafa ki khair manaata hoon bewafaai men bhi
Main uski qaid men hoon qaid sey rihaai men bhi
Lahu ki aag men jal bujh gaye badan tau khula
Rasaai men bhi khasaara hai naa rasaai men bhi
Badaltay rehtay hain mausam guzarta rehta hai waqt
Magar yeh dil k waheen ka waheen judaai men bhi
Lehaaz hurmat-e-paimaan na pass-e-hum khawabi
Ajab tarah k tasaadum thay aashnaai men bhi
Main das baras sey kissi khawab k azaab men hoon
Wohi azaab dar aaya hai is dahaai men bhi
Tasaadum dil-o-duniya men dil ki haar k baad
Hijaab aanay laga hai ghazal saraai men bhi
Main ja raha hoon ab uski taraf usee ki taraf
Jo merey saath tha meri shikasta paai men bhi
Pakistan Rupee Exchange Rate
No comments:
Post a Comment