یہ مجھے چین کیوں نہیں پڑتا

چاہت

اے رنج بھری شام

میں تجھ کو بھول جانا چاہتی ہوں

جو مرضی سے چلا جائے وہ واپس نہیں آتا

میری لزت دیدار تو تم ہو

جا شوق سے لیکن پلٹ آنے کے لئے جا

آنکھوں کے چراغوں میں اجالے نہ رہیں گے
آ جاؤ کہ پھر دیکھنے والے نہ رہیں گے

جا شوق سے لیکن پلٹ آنے کے لئے جا
ہم دیر تک اپنے کو سنبھالے نہ رہیں گے

اے ذوق ِسفر خیر ہو نزدیک ہے منزل
سب کہتے ہیں اب پاؤں میں چھالے نہ رہیں گے

جن نالوں کی ہو جائے گی تا دوست رسائی
وہ سانحے بن جائیں گے، نالے نہ رہیں گے

شمعیں جو بجھیں بجھنے دے، دل بجھنے نہ پائے
یہ شمع ہوئی گل تو اجالے نہ رہیں گے

کیوں ظلمتِ غم سے ہو خمار اتنے پریشان
بادل یہ ہمیشہ ہی تو کالے نہ رہیں گے

میری چاہت تھا وہ میری انا بھی تھا

میری چاہت تھا وہ میری انا بھی تھا
میرے خاموش لہجوں کی اک صدا بھی تھا

رہتا تھا صبح شام میرے وجود میں
میری آواز میرا لہجہ میری ادا بھی تھا

دیتا تھا زخم وہ بے شمار مگر
ہمدرد تھا وہ میرا میری وفا بھی تھا

اب اسکے ذکر پر اکثر خاموش رہتا ہوں
کبھی میری محبت کی وہ انتہا بھی تھا

عجب کشمکش میں تھی زندگی حارث
اسے پوجا بھی تھا دل میں خدا بھی تھا