KABHI SITAM SAY NAWAZA KABHI KARAM BHI KIYA

MERI HAKAYAT E GHAM PAY WO MUSKARATA RAHA,


BAGHAIR AAG LAGAEY WO MUJHAY JALATA RAHA,


KIYA NA US NAY KABHI GHOR MERI HALAT PAR,


TAMAM UMR WO MERA MAZAQ URRATA RAHA,


KABHI SITAM SAY NAWAZA KABHI KARAM BHI KIYA,


TARAH TARAH SAY MUJHAY KOI AAZMATA RAHA,


TAMAM UMR RAHA DHOOP CHHAAON KA AALAM,


QAREEB AATA RAHA KOI DOOR JATA RAHA,


KIYA NA KHALIDA BHOOLAY SAY YAAD JIS NAY KABHI,


WO SHAKHS YAAD MUJHAY BAAR BAAR AATA RAHA....