Sahilon Ki Hawa Si Larki

Gulab chehray pay muskurahat

Chamakti aankhon main shokh jazbay...

Wo jab bhi college ki seerhiyon say

Sahaliyon ko liye uterti.........

Tu aisa lagta tha jase DIL main uter rahi ho ,

Kuch aisay taykan say baat karti thi jesay duniya,

Us ki aankho say dekhti ho,

Wo apnay rastay main DIL bichhati hui nigahon say has kay kehti,

Tumhare jase bohat say larkon say main yeh baatain

Bohat say barson say sun rahi hoon,

Main sahilon ki hawa hoon neelay samandaron say bani hoon-

Wo sahilon ki hawa si larki

JO raah chalti to aisa lagta jesay dil main uter rahi ho,

Wo kal mili to usi tarha thi-

Chamakti aankhon main shokh jazbay,Gulab chehray pay muskarahat

Keh Jesay chandi si pighal rahi ho,

Magar jo boli to us kay lehjay main wo thakan thi

KEH JESAY SADIYON SAY DASHT-E-ZULMAT MAIN CHAL RAHI HO...