اب لگن لگی کیہہ کریئے
نہ جی سکیئے نہ مریئے
ایہہ اگن برہوں دی بھاری
کوئی ہماری پریت نیاری
بن درشن کیسے تریئے
اب لگن لگی کیہہ کریئے
نہ جی سکیئے نہ مریئے
تم سنو ہماری بیناں
موہے رات دنے ناہیں چیناں
ہُن پی بن پلک نہ سریئے
اب لگن لگی کیہہ کریئے
نہ جی سکیئے نہ مریئے
بلھا پئی مصیبت بھاری
کوئی کرو ہماری کاری
ایہو جیہے دکھ کیسے جریئے
اب لگن لگی کیہہ کریئے
نہ جی سکیئے نہ مریئے
Pakistan Rupee Exchange Rate
No comments:
Post a Comment