Jab Tum Shaam-E-Widaa Ka
Aakhri Manzar
Meri Aankho'N Ko Sonp Ker
Duur Ja Chukey Thay
Tou Main Ney Dekha Keh
Meri Qameez K Daaman Per
Tumhari Zulfo'N Ka Ek Baal
Reh Gaya Hay
Main Wo Baal Chuum Ker
Wahi'N Kisi Jhuki Hui Shaakh
Mein Baandh Ker
Apney Tareek Shikast-Khorda
Muqaddar K Saath Laut Aaya Tha
Ab Suna Hay Keh Log
Us Pairr Ki Tehniyo'N Pey
Siyaah Rang K Dhaagey Baandh Ker
Jaaney Walo'N Ki Wapsi Ki Mannat
Maangtay Hain ... !!
Pakistan Rupee Exchange Rate
No comments:
Post a Comment