بے موسم کی بارش

بے موسم کی بارش میں
سوئی محبت جاگ جاتی ہے
کل جو ہوئی
اچانک شہر میں بارش
تو جھٹ سے تیرا خیال
ساتھ لے آئی
ایسے لگا جیسے خزاں میں
جھونکا ہوا کا آیا ہے
سوکھے سوکھے
بے بو پتوں میں
خوشبو کا احساس لایا ہے
پھر کیا
قطرہ قطرہ تیری یادیں
من کو مہکاتی رہیں
گرج چمک بار بار
دل کی دہلیزیں ہلاتی رہیں
تمیں پتہ ہے
مجھے بے موسمی بارش
ذرا اچھی نہیں لگتی
یہ جب برستی ہے
سنبھلنا بہت مشکل ہو جاتا ہے
تیرے بن میں خوش ہوں
یہ بھانڈا پھوٹ جاتا ہے