تم سے جدا ہو کر لگا وہ گھاؤ گہرا ہے

کبھی وہ مجھ سے کہتا تھا۔۔۔۔۔۔۔۔۔۔۔۔۔۔۔
“کہ میری زندگی تم ہو، تم ہی ہو آرزو میری تو ہر خوشی تم ہو۔۔۔نہ دیکھوں میں اگر تم کو تو آنکھیں نور ہی کھو دیں۔۔۔میری آنکھوں میں جانِ جاں چمکتی روشنی تم ہو۔۔۔۔۔مجھے ہر خوف سے ہٹ کہ یہ دنیا کو بتانا ہے، کہ اپنے پیار کا بندھن تو صدیوں سے پرانا ہے۔۔۔۔۔۔۔۔۔۔۔۔۔ہمیں ایک دوسرے کے ذات کی تکمیل رکھنی ہے۔۔۔سمندر کے کنارے پر ہمیں ایک گھر بنانا ہے۔۔۔۔وہ گھر جس میں بہاروں خوشبوؤں، رنگوں کا میلا ہو۔۔۔یہاں سے دور سبزے میں وہ گھر اپنا اکیلا ہو۔۔۔۔۔میں ہر صبح تمہاری آنکھ سے دیکھوں حسین منظر، تمہارے حسن کا جادو میری آنکھوں میں پہلا ہو“

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مگر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پھر یوں ہوا حالات نے اس کو بدل ڈالا
بھلا کے سب اس نے وعدے ہمارا دل کچل ڈالا
بنائی ساحلوں پر گھر محبت کے حسین اس نے۔۔۔
مگر واہ اے مقدر کہ بدل ڈالے مکین اس نے۔۔۔
کسی کا ہاتھ ہاتھوں میں وہ لے کر اب بھی وہ چلتا ہے ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مگر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جب بھی تنہا ملتا ہے تو بس اتنا ہی کہتا ہے۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سنو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تم سے جدا ہو کر لگا وہ گھاؤ گہرا ہے
ہماری دل کی وادی پر جہاں تھا راج خوشیوں کا وہاں اب درد ٹھہرا ہے۔۔۔۔۔

محبت کا اثر ہو گا، غلط فہمی میں‌ مت رہنا

محبت کا اثر ہو گا، غلط فہمی میں‌ مت رہنا
وہ بدلے گا چلن اپنا، غلط فہمی میں مت رہنا

تسلی بھی اُسے دینا، “یہ ممکن ہے میں لوٹ آؤں“
مگر یہ بھی اُسے کہنا، غلط فہمی میں مت رہنا

تمہارا تھا، تمہارا ہوں، تمہارا ہی رہوں گا میں
مرے بارے میں اِس درجہ، غلط فہمی میں مت رہنا

محبت کا بھرم ٹوٹا ہے اب چُھپ چُھپ کے روتے ہو
تمہیں میں‌ نے کہا تھا نا، غلط فہمی میں مت رہنا

اس کی نوازشوں نے تو حیران کر دیا

اس کی نوازشوں نے تو حیران کر دیا
میں میزبان تھا مجھے مہمان کر دیا

اک نو بہارِ ناز کے ہلکے سے لمس نے
میرے تو سارے جسم کو گلدان کر دیا

کل اک نگارِ شہرِ سبا نے بہ لطفِ خاص
مجھ سے فقیر کو بھی سلیمان کر دیا

جینے سے اس قدر بھی لگاؤ نہ تھا مجھے
تونے تو زندگی کو، مری جان کر دیا

قربت کے پل وہ اتنا سخی تھا کہ اس نے تو
پورا تمام عمر کا نقصاں کر دیا

نااشنائے لطف تصادم کو کیا خبر
میں نے ہوا کی زد پہ رکھا جان کر، دیا

اتنے سکوں کے دن کبھی دیکھے نہ تھے فراز
اس آسودگی نے مجھ کو پریشان کر دیا

یہ درد مٹ گیا تو پھر؟ یہ زخم سِل گیا تو پھر؟

یہ درد مٹ گیا تو پھر؟ یہ زخم سِل گیا تو پھر؟
بِچھڑ کے سوچتا ہوں میں، وہ پھر سے مِل گیا تو پھر؟

میں تِتلیوں کے شہر میں، رہوں تو مجھ کو فکر ہے
وہ پھول جو کِھلا نہیں ، وہ پھول کِھل گیا تو پھر؟

تمہیں بھی کچھ نہیں ملا ، مجھے بھی کچھ نہیں ملا
تمام عُمر کے لئے ، یہ درد مِل گیا تو پھر؟

میں اس لئے تو آج تک ، سوال بھی نہ کر سکا
اگر مرے سوال کا ، جواب مِل گیا تو پھر؟

یہ ٹھیک ہے کہ لوٹ کے ، مرے ہی پاس آؤ گے
مگر یہ سوچ لو ذرا ، بدل یہ دل گیا تو پھر؟

اداس لمحوں میں آخر وہ مل گیا تھا مجھے

اداس لمحوں میں آخر وہ مل گیا تھا مجھے
مری ہی آنکھوں کی چلمن سے جھانکا تھا مجھے

وہ قُربتوں کی تمازت سے جل رہا تھا کچھ اور
وہ آنسوؤں کی جھڑی سے بُجھا رہا تھا مجھے

لپٹ کے مجھ سے بڑی سادگی کے لہجے میں
نہ جانے کس کے فسانے سنا رہا تھا مجھے

اُسے یہ غم کہ تھا یادوں کے کرب میں‌تنہا
مجھے یہ شکوہ کہ اُس نے بھلا دیا تھا مجھے

میں خود ہی خواب جزیروں میں‌گم رہا شاید
وہ لہر لہر میں ورنہ پکارتا تھا مجھے

عجیب عالمِ وارفتگی میں ڈوبا ہوا
بڑے قرینے سے پھر آزما رہا تھا مجھے

مگر یہ کیسا تحّیر تھا اس کی آنکھوں میں
کہ دیکھتا تھا مجھے جیسے سوچتا تھا مجھے

نہ جانے کتنے نئے وسوسوں کا ناگ کرم
اتر کے میری رگ و پَے میں ڈس رہا تھا مجھے

یہ میرا ظرف ہے ، اِک روز اُس نے مجھ سے کہا

مرے وجود کی مجھ میں تلاش چھوڑ گیا
جو پوری ہو نہ کبھی ایسی آس چھوڑ گیا

یہی کرم نوازی اُس کی مجھ پہ کم ہے کیا
کہ خُود وہ دور ہے ، یادیں تو پاس چھوڑ گیا

جو خواہشیں تھی کبھی حسرتوں میں بدل گئیں
مرے لبوں پہ وہ اِک لفظ “کاش“ چھوڑ گیا

یہ میرا ظرف ہے ، اِک روز اُس نے مجھ سے کہا
کہ عام لوگوں میں اِک تجھ کو خاص چھوڑ گیا

بہاروں سے مجھے کچھ اِس لئے بھی نفرت ہے
اِنہیں رُتوں میں مجھے وہ اُداس چھوڑ گیا

آخری حد

!!سنو
سوچوں کے آنگن میں کبھی جھانکوں تو لگتا ہے
میرے خوابوں کو اپنی گود میں لے کر
گماں کی انگلیاں
یونہی ذرا الجھی ہوئی زلفوں کو اپنے لمس سے
مخمل بناتی ہوں
تو یوں لگتا ہے جیسے
دھڑکنیں بھی رک کے اک پل مسکراتی ہوں
!!سنو
میں اپنے خوابوں پر
تمہارے مرمریں احساس کی اک اوڑھنی تانے
تمہیں پلکوں کے پردے کے تلے
آنکھوں میں ہی سی لوں؟؟
!!سنو
میں زندگی کی آخری حد تک یہیں جی لوں؟؟

تم ہنسو تو دن نکلے، چُپ رہو تو راتیں ہیں

تم ہنسو تو دن نکلے، چُپ رہو تو راتیں ہیں
کس کا غم کہاں کا غم سب فضول باتیں ہیں

اے خلوص میں‌تجھ کو کس طرح بچاؤں گا
دشمنوں کی چالیں ہیں، ساتھیوں کی گھاتیں ہیں

تم پہ ہی نہیں موقُوف آج کل تو دنیا میں
زیست کے بھی مذہب ہیں، موت کی بھی ذاتیں ہیں