Tumhary Khat men naya ik salam kis ka tha
na tha raqeeb to aakhir vo naam kis ka tha
vo qatl kar k har kisi sey poochtay hain
ye kaam kis ney kiya hai ye kaam kis ka tha
wafa karen gey nibhaayen gey baat maanen gey
tumien bhi yaad hai kuch ye kalaam kis ka tha
raha na dil men vo be'dard or dard raha
muqeem koun hua hai maqaam kis ka tha
na pooch-paach thi kisi ki na aa-o-bhagat
tumhari bazm men kal ehatmaam kis ka tha
hamaray Khat k to purzy kiye parha bhi nahin
suna jo tum ney baa-dil vo payaam kis ka tha
Inhi sifaat sey hota hai aadmi mash'hoor
jo lutf aap hi kartay to naam kis ka tha
guzar gaya wo zamana kahain to kis sey kahain
Khayaal meray dil ko subh-o-shaam kis ka tha
har ek sey kehtay hain keh "Daagh" bewafa nikla
ye poochay un sey koi vo ghulaam kis kaa tha....
Pakistan Rupee Exchange Rate
No comments:
Post a Comment