Khuda ka shukr mujhey besh-az-gumaan mila
Tumharey reshmi aanchal ka saayebaan mila
Na jaaney mujh meN samaaii thiiN hijrateN kitni
Terey wajood sey mujh ko meraa makaan mila
Khuda ney hum pey haddeN kitni baaNdh rakhkhi haiN
Hisaar e jism sey nikley to aasmaan mila
Hum us k jabr ka qissaa sunaatey kis kis ko
YahaaN to jo bhi milaa, uska ham zubaan mila
HikayateN thiiN meri raaviyoN k narghey meN
Phir us k baad jahaaN mujh sey bad gumaan mila
Suna hai shehar ki buniyaad us ney daali thi
Jo shakhs kal meri basti men be'amaan mila
Pakistan Rupee Exchange Rate
No comments:
Post a Comment