ik mouj e sail e ishq thi manzar sey hatt gayi
jo gard merey dil pey jami thi wo chhatt gayi
kaya naam tha saba k labon per dam e sehar
phoolon ki patt'ion sey meri maang att gayi
yun chup thi terey sard rawai'ye pey main mager
ik bail surkh rang ki dil sey lipatt gayi
is baar kuch hawa k bhi andaaz aur thay
khushboo wujod e gull hi men aakhir simatt gayi
tha us k merey beech mah o mushtri ka bu'ad
apni zameen ki samt main aakhir palatt gayi
shayed yahin sey jata tha us gher ko raasta
kiyun is galee men paaon ki raftaar ghatt gayi
dil ney to ranj kaata terey hijer men mager
achha hua talab ki wo zanjeer katt gayi
fikr e muaash' tuhmetain us per tera firaaq
ye zindagi bhi kitnay azaabon men batt gayi
Pakistan Rupee Exchange Rate
No comments:
Post a Comment