main roshni hoon kaf e dast sey rukoon gi kahan
tamaam umr terey taaq per jaloon gi kahan

bulaa raha hai mujhey kehkashan ka derwaaza
wo aa bhi jaaye tou ab main usey miloon gi kahan

main apney bichhrey huey pairr ki talash main hoon
ziada dair teri shaakh per khiloon gi kahan

ye chund saanson ka bhi aasraa usi sey hai
keh jab rahey ga nahin wo tou main rahoon gi kahan

main zakhm hoon ghani raaton men jaagney wala
tumharey taar e muhabbat sey ab siloon gi kahan