Us Nay Meray Haath Men Baandha

Ujla Kangan Bailay Ka

Pehlay Pyaar Say Thami Kalaai

Baad Us Kay Holey Holey Pehnaaya

Gehna Phoolon Ka

Phir Jhuk Kar Haath Ko Choom Liya!

Phool To Aakhir Phool Hi Thay

Murjhaa Hi Gaye

Lekin Meri Raatein Un Ki Khushboo Say Ab Tak Roshan Hain

Baanhon Par Wo Lams Abhi Tak Taza Hai

(Shaakh-E-Sanobar Par Ik Chand Damakta Hai!)

Phool Ka Gehna

Prem Ka Kangan

Pyaar Ka Bandhan

Ab Tak Meri Yaad Kay Haath Lipta Hua Hai!



(Parveen Shakir)